Ижкар+1 °C
13 -тӥ оштолэзь 2021 Пуксён
18+

195 изданиос «Арлэн книгаез» ним понна вожвылъяськозы Удмуртиын

  • 463
  • 0
Ижкар / Удмуртия
195 изданиос «Арлэн книгаез» ним понна вожвылъяськозы Удмуртиын
Туспуктэм: Удмуртиысь йӧскалык лыдӟетъюртлэн пресс-службаез

«Книга года на родине П. И. Чайковского» II улосвылкуспо фестиваль-вожвылъяськонэ 14 улосвылъёсысь 55 вазиськисьёслэсь 195 изданиос вуизы. Жюри ужаны кутскиз. Со сярысь Удмуртиысь йӧскалык лыдӟетъюртлэн пресс-службаез ивортӥз.

Вожвылъяськонэ азьвыл куинь аръёс ӵоже поттэм книгаос пырисько. Одӥг издание кык пол сётыны уг луы

Ужъёсты тямыс номинациосъя дунъялозы:

  • «Лучшее художественно-графическое оформление издания»;
  • «Лучшее учебное, научное, научно-популярное издание»;
  • «Лучшее литературно-художественное издание»;
  • «Лучшее издание для детей и юношества»;
  • «Лучшее краеведческое издание»;
  • «Лучшая книга о малой родине»;
  • «Лучшее издание на языках народов России»;
  • «Лучшее библиотечное издание».

Та ӧръёсын вормем книгаос пӧлысь быръё одӥгзэ, кудӥзлы «Книга года» ним сётӥське. Удмуртиын поттэм изданиос пӧлысь устоез «Лучшая книга Удмуртии» ним басьтэ.

Вожвылъяськонлэн азьмугъёсыз (цели) но ужпумъёсыз – книга поттон ужез азинтонлы, калыклэсь лулпуш но лулчеберет куронъёссэ быдэстӥсь книгаос кылдытонлы юрттон, Удмуртиысь быгатонлыко авторъёсты шараян, устозэ литератураез вӧлмытон, издательёслэсь, полиграфистъёслэсь, авторъёслэсь но лыдӟетъюртъёслэсь кусыпъёссэс юнматон, книгаелэсь но лыдӟиськонлэсь данзэ будэтон.

Фестиваль-вожвылъяськонэз кыкетӥ арзэ Удмуртиысь йӧскалык лыдӟетъюрт радъя но ортчытэ, кылдытӥсьёсыз - элькунысь лулчеберетъя министерство, йӧскаылк политикая министерство, печатья но калыке ивортодэт вӧлмытонъя агентство.

Тодэ вайытом, 2020-тӥ арын жюри 34 пыриськисьёслэсь 129 изданиоссэс дунъяз. Удмуртиез ньыль номинациын пусйизы.



Наверх
Вниз