Ижкар+1 °C
13 -тӥ оштолэзь 2021 Пуксён
18+

Удмуртиысь таланто адямиосты «Голос Евразии Арген» калыккуспо вожвылъяськонэ пыриськыны ӧтё

  • 317
  • 0
Москва / Россия
Удмуртиысь таланто адямиосты «Голос Евразии Арген» калыккуспо вожвылъяськонэ пыриськыны ӧтё
Туспуктэм: Руслан Нуриахметов

Удмуртиысь кырӟаны, эктыны усто но мукет таланто адямиосты «Голос Евразии Арген» калыккуспо вожвылъяськонэ пыриськыны ӧтё. Конкурс 24-тӥ оштолэзе Москваын ортчоз. Со сярысь Россиысь финн-угор калыкъёслэн ассоциацизы вылэ чӧлскыса, «Удмурт Кенеш» огазеяськонлэн пресс-службаез ивортӥз.

Вожвылъяськонэ 10 аресысен 55 аресозь мылкыд карисьёс пыриськыны быгато. Конкурслэн кузьымъёсын огъя фондэз 200 сюрс манетысен кутскоз. Пыриськисьёс сцена вылэ шоу-бизнесысь тодмо кизилиосын потыны луонлык басьтозы.

Та дыре конкурслэн кастингезлы дасяськонъёс мыно. Со 23-тӥ оштолэзе Москваын ортчоз. Интызэ но дырзэ радъясьёс пыриськыны куриськон келям бере ивортозы.

Конкурсэ пыриськон понна чӧлсконпусъя куриськон гожтоно. Со сяна, пыриськыны мылкыд каремды сярысь 89093255148 телефон номеръя ивортыны яке куриськондэс Россиысь финн-угор калыкъёслэн ассоциацизылэн afunrf@yandex.ru электрон почтаяз келяны куро.

Пусъём, вожвылъяськонэ Россиысь, Кыргызстанысь, Казахстанысь, Белоруссиысь, Армениысь но мукет кунъёсысь таланто адямиос люкаськозы. 



Наверх
Вниз