Ижкар+17 °C
21 -тӥ инвожо 2021 Вордӥськон
18+

Крезьгуро инструментъёсын шудонъя «Зарни крезь» элькун вожвылъяськонын вормисьёс тодмо луизы Кизнерын

  • 350
  • 0
Кизнер / Удмуртия
Крезьгуро инструментъёсын шудонъя «Зарни крезь» элькун вожвылъяськонын вормисьёс тодмо луизы Кизнерын
Туспуктэм: vk.com (Районный дворец культуры "Зори Кизнера")

25-тӥ оштолэзе Кизнерын крезьгуро инструментъёсын шудӥсьёслэн «Зарни крезь» элькун вожвылъяськоназы вормисьёсты шараязы. Со сярысь Калык творчествоя элькун юртлэн пресс-службаез ивортӥз.

Вожвылъяськонэ элькунысь 17 муниципал кылдытэтъёсысь 40 коллективъёс пыриськизы. Пиналъёс – заочной амалэн, быдэ вуымтэос но арлыдоос - «Зори Кизнера» лулчеберт юртлэн сцена вылаз

Конкурсантъёслэсь быгатонлыкъёссэс вить номинациосын эскеризы: калык инструментъёсын шудӥсь оркестръёс, калык инструментъёсын шудӥсь ансамбльёс, пельтыса шудӥсь инструментъёсын оркестръёс, пельтыса шудӥсь инструментъёсын ансамбль но арганчиос.

Нырысетӥ интыосты басьтӥзы:

«Оркестр народных инструментов» номинациын (7-14 аресъемъёс пӧлын):

I степенё диплом басьтӥзы:

- «Ягодки» оркестр – Воткаысь 41 номеро нылпи сад (кивалтӥсьсы Алёна Митрофанова);

- калык инструментъёсын шудонъя «Тремоло» образцовой оркестр – Ува ёросысь Узей-Тукляысь культура юрт (кивалтӥсьсы Ольга Конышева).

«Ансамбль народных инструментов» номинациын (7-14 аресъемъёс пӧлын):

I степенё лауреат луизы:

- «Вавож крезьчи» ансамбль – Вавожысь искусствоосъя В. П. Винокуров нимо нылпи школа (кивалтӥсьсы Елена Вальд);

- калык инструментъёсын шудонъя «Калейдоскоп» ансамбль – Алнашысь искусствоосъя нылпи школа (кивалтӥсьсы Елена Салтыкова);

I степенё диплом басьтӥзы:

- калык инструментъёсын шудонъя «Ӟардон» ансамбль – Юкаменск ёрос культура юртлэн Новоёлово гуртысь люкетэз (кивалтӥсьсы Виктор Кондратьев);

- арганчиослэн «Кармыжские соловьи» калык ансамбльзы – Кизнер ёросысь Арвазь-Пельгаысь культура юрт (кивалтӥсьсы Геннадий Бускин).

«Шудо арганэ» номинациын (7-14 аресъемъёс пӧлын):

I степенё лауреат луиз:

- Никита Катаев – Алнаш ёросысь техникумлэн лулчеберетъя центрез (кивалтӥсез Валерий Гоголев);

I степенё диплом басьтӥз:

- Василий Бурков – Вавожысь искусствоосъя В. П. Винокуров нимо нылпи школа (кивалтӥсез Елена Вальд).

«Ансамбль народных инструментов» номинациын (15-55 аресъемъёс пӧлын):

I степенё лауреатъёс луизы:

- калык инструментъёсын шудонъя «Откровение» калык ансамбль – Кизнер ёрос культура юрт (кивалтӥсьсы Василий Медведев);

- крезен шудӥсьёслэн «Лулгур» ансамбльзы – Можгаысь «Дубитель» культура юрт (кивалтӥсьсы Ирина Акборисова);

- калык инструментъёсын шудонъя «Огпаръёс» коллектив – Алнаш ёросысь Асанысь лулчеберетъя центр (кивалтӥсьсы Алексей Даутов);

I степенё дипломен пусйизы:

- «Сюлэм куара» ансамблез – Пичи Пурга ёросысь Вуж Мӧнья культура юрт (кивалтӥсьсы Фаина Иванова);

- арганчиослэсь «Шулдыр» арганчи» ансамбльзэс – Шаркан ёросысь Сосновкаысь культура юрт (кивалтӥсьсы Анатолий Шкляев).

«Шуд арганэ» номинациын (15-55 аресъемъёс пӧлын):

I степенё лауреат луизы:

- Дарья Загумённова – Кизнер ёрос культура юрт;

- Алексей Троицкий – Кизнер ёрос культура юрт;

- Елена Вальд – Можга ёросысь Бадӟым Учаысь искусствоосъя нылпи школа;

I степенё дипломен пусйизы:

- Саубан Тютинэз – Балезино ёросысь лулчеберетъя но калык творчествоез азинтонъя центр.

Вормисьёс пӧлы пыремъёслэн быдэс лыдметэнызы чӧлсконпусъя тодматскыны луэ.

Тодэ вайытом, вожвылъяськон «Культура» йӧскалык ӵектос улсын ортчиз но Удмуртиын Гуртлэн арезлы сӥземын вал.




Наверх
Вниз