Ижкар+2 °C
1 -тӥ толсур 2021 Вирнунал
18+

Туала удмурт литературая антологиос «Удмуртиысь устоез книга» номинациын вормизы

  • 954
  • 0
Ижкар / Удмуртия
Туала удмурт литературая антологиос «Удмуртиысь устоез книга» номинациын вормизы
Туспуктэм: Удмуртиысь йӧскалык лыдӟетъюртлэн пресс-службаез

26-тӥ куартолэзе Ижкарын «П. И. Чайковскийлэн вордскем шаераз арлэн книгаез» («Книга года на родине П. И. Чайковского») II улосвылкуспо фестиваль-вожвылъяськонын вормисьёсты пусйизы. Туала удмурт литературая антологиос «Удмуртиысь устоез книга» номинациын вормизы. Со сярысь Удмуртиысь йӧскалык лыдӟетъюртлэн пресс-службаез ивортӥз.

Туэ вожвылъяськонэ 15 улосвылъёсысь 57 вазиськисьлэсь 197 изданиос вуизы. Устооссэ пусъён ужрадэ авторъёс но издательствоос, элькунысь министерствоослэн но удысэтъёслэн ыстэм муртъёссы, «П. И. Чайковскийлэн вордскем шаераз» литература фестивале Москваысь но Санкт-Петербургысь лыктэм куноос пыриськизы.

Ми шумпотӥськомы, вожвылъяськонысь изданиос милям фондъёсамы вуизы шуыса. Соин валче элькунмылэн печатлам узырлыкез йылӥз
Татьяна Тенсина, Удмуртиысь йӧскалык лыдӟетъюртлэн кивалтӥсез

«П. И. Чайковскийлэн вордскем шаераз арлэн книгаез» фестиваль-вожвылъяськонын вормизы:

- «Книга года» ӧрын – Тюменьысь «Возрождение Тобольска» ӟечлэсьтон фонд «Тобольск и вся Сибирь. Белорусы в Сибири» но «Тобольск и вся Сибирь. Северный морской путь» книгаос понна;

- «Лучшая книга Удмуртии» ӧрын - «Удмуртия» издательство «Туала удмурт поэзия», «Туала удмурт проза»«Туала удмурт нылпи литература» антологиос понна;

- «Лучшее художественно-графическое оформление издания» ӧрын – «Айар» издательство (Якутск) «Бессмертный подвиг якутян в Великой Отечественной войне» книга понна;

- «Лучшее учебное, научное и научно-популярное издание» ӧрын – «Периодика» издательство (Петрозаводск) «Народы Карелии» книга понна;

- «Лучшее литературно-художественное издание» ӧрын – «Удмуртия» издательство «Туала удмурт поэзия», «Туала удмурт проза», «Туала удмурт нылпи литература» антологиос понна;

- «Лучшее издание для детей и юношества» ӧрын – Чувашиысь книгапоттонни «Путешествие по Чувашии» книга понна;

- «Лучшая книга о малой родине» ӧрын – «Удмуртия» издательство Геннадий Сидоровлэн «Возрождённые ремёсла рода Тукля» книгаез понна;

- «Лучшее краеведческое издание» ӧрын - Тюменьысь «Возрождение Тобольска» ӟечлэсьтон фонд «Тобольск и вся Сибирь. Белорусы в Сибири» но «Тобольск и вся Сибирь. Северный морской путь» книгаос понна;

- «Лучше издание на языках народов России» - Оренбургысь книгапоттонни «Моабитские тетради» книга понна;

- «Лучшее библиотечное издание» ӧрын – Книга дворец – Ульяновскысь В. И. Ленин нимо тодосъя улосвыл лыдӟетъюрт «Заподноевропейские издания XV-XVII вв. в фондах Ульяновской областной научной библиотеки» книга понна.

Вожвылъяськонлэн азьмугъёсыз (цели) но ужпумъёсыз – книга поттон ужез азинтонлы, калыклэсь лулпуш но лулчеберет куронъёссэ быдэстӥсь книгаос кылдытонлы юрттон, Удмуртиысь быгатонлыко авторъёсты шараян, устозэ литератураез вӧлмытон, издательёслэсь, полиграфистъёслэсь, авторъёслэсь но лыдӟетъюртъёслэсь кусыпъёссэс юнматон, книгалэсь но лыдӟиськонлэсь данзэ будэтон

Тодэ вайытом, 2020-тӥ арын жюри 34 пыриськисьёслэсь 129 изданиоссэс дунъяз. Удмуртиез ньыль номинациын пусйизы.



Наверх
Вниз