Ижкар+2 °C
28 -тӥ коньывуон 2021 Покчиарня
18+

Кык книга поттыны федерал грантъёс утӥз Удмуртиысь книгапоттонни

  • 194
  • 0
Ижкар / Удмуртия
Кык книга поттыны федерал грантъёс утӥз Удмуртиысь книгапоттонни
Туспуктэм: vk.com (Удмуртия Книжное-Издательство)

Ижкарысь «Удмуртия» издательство кык книга поттыны Россиысь Лыдпус амалъёсты азинтонъя, связья но калыке ивортодэт вӧлмытонъя министерстволэсь грантъёс утӥз. Со сярысь ивортодэтъя «Удмуртия» агентстволэн корреспондентэзлы книгапоттоннилэн кивалтӥсез Юрий Кузнецов вераз.

Одӥгез книга «Удмурты. Зов языческих предков» нимаськоз но удмуртъёслэн вашкала вӧсяськон сямъёссылы сӥземын луоз.

Асьмелэн язычество туж мур удмурт калык пӧлы пыремын. Со али но асьмелэн вань. <…> Тужгес но тани кулонэн герӟаськем дыръя, сюанъёс дыръя, нуны сюанъёс дыръя. Со вӧсяськонъёсты ми та аспӧртэмлыко книгае ваньзэ люканы тыршим. Соин ик грантъёсты люкыкузы ӧри та книгалэсь кулэлыксэ но аспӧртэмлыксэ туж пусйиз, мон валасько
Юрий Кузнецов, «Удмуртия» книгапоттоннилэн кивалтӥсез

Книга азьвыл аръёсы потэм «Удмурты. От Вятки до Камы», «Удмурты.Тайна Тамги», «Удмурты. На земле древних алангасаров» сериез азинтоз.

Нош вуоно арын, Юрий Кузнецовлэн кылъёсызъя, сериез эшшо азьланьтозы, уго калыкын со туж вӧлмемын, сое ярато, лыдӟо.

Кыкетӥез грант утэм книга – «Удмуртия от А до Я». Таиз нылпиослы чакламын луоз. Удмуртия, солэн историез, инкуазь чеберлыкез, тодмо адямиосыз сярысь вералоз. Кивалтӥсь пусйиз, шаертодонъя книгаос быдэс Россиын туж ӧжыт пото. Соин ик соослэн кулэлыксы но туж бадӟым.

Книга Удмуртия, солэн историез, туала улэмез сярысь. В игровой, доступной форме, капчи сётэмын луоз туж кулэ луись, мур материал. Ӵапак школьникъёс понна тупатыса
Юрий Кузнецов, «Удмуртия» книгапоттоннилэн кивалтӥсез

Та дыре книгаос бордын ужъёс мыно на. Но кыкез ик соос 2021-тӥ ар пумозь потозы. Соос ӟуч кылын, быдэн 1 сюрс экземплярен луозы.

Тодэ вайытом, кылем арын федерал грантлы луыса «Удмурты. На земле древних Алангасаров» книга потӥз вал. Ватсалом, туэ Москваын ортчем «Красная площадь» книга фестивальысь «Удмуртия» издательство куинь дипломен бертӥз



Наверх
Вниз