Ижкар+9 °C
16 -тӥ куарусён 2021 Покчиарня
18+

Егитъёслы «Пушкинская карта» ужаны кутскиз Удмуртиын

  • 314
  • 0
Ижкар / Удмуртия
Егитъёслы «Пушкинская карта» ужаны кутскиз Удмуртиын
Туспуктэм: Руслан Нуриахметов

1-тӥ куарусёнысен Удмуртиын, озьы ик быдэс Россиын, кун азьмуртлэн Владимир Путинлэн косэтэзъя егитъёслы «Пушкинская карта» федерал программа ужаны кутскиз. Со сярысь элькун тӧролэн но кивалтэтлэн пресс-службазы ивортӥз.

Карта лулчеберет ужрадъёсы ветлыны сётӥське: музейёсы, театръёсы, галереяосы, филармониосы но мукет. Сое 14-22 аресъем егитъёс басьтыны быгато. Со понна Госуслуги порталын куриськон гожтоно но нимысьтыз «Госуслуги. Культура» мобильной ватсэтын регистрациез ортчоно.

2021-тӥ ар пумозь картае 3 сюрс манет понэмын луоз

Удмуртиын картаез 23 пӧртэм культура юртъёсын уже кутыны луоз. Ӵапак сомында ужъюртъёс туннэ нуналлы программа борды итӥськизы.

Соос пӧлын:

  • «Лудорвай» музей-заповедник;
  • М. Т. Калашников нимо ыбылӥськон пыӵал-тӥрлыкез возьматон огъет;
  • Удмуртиысь кун цирк;
  • Удмуртиысь кун филармония;
  • Удмуртиысь мунё театр;
  • Удмуртиысь драмая ӟуч кун театр;
  • Кузебай Герд нимо йӧскалык музей;
  • «Иднакар» музей-заповедник;
  • Глазкарысь лулчеберетъя «Россия» центр;
  • Якшур-Бӧдьяысь ивортодэтъя но лулчеберетъя центр;
  • Воткаысь историяя но лулчеберетъя музей;
  • Глазкарысь драмая «Парафраз» театр;
  • Сарапулысь драмая театр;
  • Можгаысь лулчеберетъя но спортъя «Свет» огъет;
  • Сарапулысь нылпиослы «Точка» театр школа;
  • Можгаысь историяя но шаертодонъя музей но мукетъёсыз.

Россиын программа борды 85 улосвылъёсысь оглом 1 сюрс 354 лулчеберет ужъюртъёс итӥськизы ини.

Кытчы мыныны «Госуслуги. Культура» мобильной ватсэтэ пырыса тодыны луэ. Отын, кытын луэмез чакласа, матысь ужъюртъёс ӵектэмын луозы.

Пусъём, картаысь коньдонэз лулчеберет ужрадъёслы гинэ быдтыны луэ. Со сяна, картае коньдон но ас коже поныны уг луы, отчы уксё араз огпол вуылоз.



Наверх
Вниз