Ижкар+3 °C
24 -тӥ коньывуон 2021 Воскресенье
18+

Виртуальной концерт зал усьтӥзы Сарапулын

  • 292
  • 0
Сарапул / Удмуртия
Виртуальной концерт зал усьтӥзы Сарапулын
Туспуктэм: vk.com (Администрация города Сарапула)

1-тӥ куарусёнэ Сарапулысь 2 номеро искусствоосъя нылпи школаын виртуальной концерт зал усьтӥзы. Со сярысь Сарапул администрацилэн «ВКонтакте» мерлыко вотэсысь бамаз ивортӥзы.

Залэз «Культура» йӧскалык ӵектос улсысь «Цифровая культура» улосвыл ӵектослы луыса кылдытӥзы.

Со понна искусствоосъя нылпи школа 3 миллион 100 сюрс манет грант утӥз

Ужъюртын кыкетӥ этажлэсь тусбуйзэ тупатъязы, залэ пыронэз воштӥзы, выль вӧлдэт лэсьтӥзы, борддоръёссэ выльдӥзы но туала аппаратура пуктӥзы: видеопроектор, бадӟым экран, акустической система но югдытӥсь тӥрлык.

Та дыре школаын 350 пиналъёс дышетско. Виртуальной зал усьтӥськемлы луыса, соос лулчеберет удысысь валтӥсь коллективъёслэсь концертъёссэс учкыны быгатозы.

Табере ми концертъёсмес пӧртэм паськыт трансляциослы поттыны быгатӥськом, озьы ик Москваысь, Санкт-Петербургысь но кунгож сьӧрысь тодмо крезьгурасьёслэсь классика крезьгуръя концертъёссэс возьматыны луонлыкмы вань
Надежда Галанова, 2 номеро искусствоосъя нылпи школалэн кивалтӥсез

Шаерамы таӵе виртуальной зал одӥг гинэ ай. 

Тодэ вайытом, Удмуртилы модельной лыдӟетъюртъёс кылдытыны 25 миллион манет висъялозы



Наверх
Вниз