Ижкар+2 °C
28 -тӥ коньывуон 2021 Покчиарня
18+

«Тангыра» фолк-рок фестивальлэн интывылэз воштӥськиз

  • 156
  • 0
Ижкар / Удмуртия
«Тангыра» фолк-рок фестивальлэн интывылэз воштӥськиз
Туспуктэм: vk.com (ТАНГЫРА - фестиваль современной этнокультуры)

4-тӥ куарусёнэ Ижкарын егитъёслэн туала йӧскалык лулчеберетъя «Тангыра» фестивальзы ортчоз. Зоро куазен сэрен, ужрадлэсь азьвыл чаклам ортчон интызэ воштӥзы. Озьы, куноосты А.Т.О.М. HALL концерт площадкаын (Зенитной урам, 4) возьмалозы. Со сярысь элькунысь Калыкъёслэн эшъяськон юртсылэн пресс-службаез ивортӥз.

Фестивале пыриськисьёс понна 16 часысен кутскыса 5 час ӵоже Россиысь калыкъёслэн кылъёсынызы кырӟанъёс чузъяськозы

Ужрадлэн программаез:

16 часысен «Чебеляй» эктонъя студилэн калык эктонъёсъя мастер-классэз ортчоз, киужъёсын этномаркет, фестивальысь открыткаосын площадка ужалозы;

17 часысен сцена вылэ артистъёс потозы:

  • Köt Kubitz – Ижкарысь крезьгурасьёс. Удмурт фольклорен пыӵам кырӟанъёссэс крезьгур удысысь туала ӧръёс пыр быдэстозы;
  • «Карт аяк» – Казаньысь бигер фолк-рок коллектив. Тодмо бигер кылбурчиослэн ужъёссыя кырӟанъёссэс кырӟалозы;
  • Филюс Беркет – Уфаысь башкир кырӟась. Тупаса улон, эшъяськон, яратон сярысь кырӟалоз;
  • «ЯлАр» группа –фольклор но туала чуваш крезьгурез рок-обработкаен быдэстозы;
  • «У ЕН» – пор этно-панк ансамбль. Аспӧртэм шоу лэсьтозы;
  • GARUDA – экспериментальной удмурт группа. Фолк-метал жанрын шудоз;
  • «Севериада» – коми кылын кырӟанъёс быдэстоз.

Нимысьтыз ӧтем куноос Санкт-Петербургысь «Тролль гнёт ель» группа но Удмуртиысь Silent Woo Goore коллектив луозы

Ужрад позыръяськонэн йылпумъяськоз.

Тодэ вайытом, туэ ужрад куинетӥзэ ортчоз. Кылем арын со drive-in (драйв-ин) форматэн радъяськиз




Наверх
Вниз