Ижкар+9 °C
16 -тӥ куарусён 2021 Покчиарня
18+

Удмуртиысь йӧскалык театрлэн репертуарысьтыз спектаклез калыккуспо фестивальын возьматозы

  • 278
  • 0
Москва / Россия
Удмуртиысь йӧскалык театрлэн репертуарысьтыз спектаклез калыккуспо фестивальын возьматозы
Туспуктэм: Андрей Стародумов

Удмуртиысь йӧскалык кун театрлэн репертуарысьтыз «Чёртова яма» (16+) моноспектаклез Solo калыккуспо театр фестивале пыриськон понна бырйизы. Со сярысь ивортодэтъя «Удмуртия» агентстволэн корреспондентэзлы моноспектакльын шудӥсь Максим Григорьев вераз.

Solo фестиваль туэ 13-тӥзэ ортчоз. Со улсын Россиысь, Италиысь, Бельгиысь, Словениысь, Казахстанысь 20 моноспектакльёсты возьматозы

Пӧлазы Виктор Астафьевлэн «Прокляты и убиты» романэзлэн нырысетӥ люкетэзъя пуктэм Максим Григорьевлэн моноспектаклез но. Артист даслэсь трос рольёсты чылкак огназ шудоз. Пусъём, та ужезлэн со нырысьсэ ачиз ик режиссёрез но, сценаристэз но луэ.

Бадӟым дан мон понна Москваын та спектаклез возьматыны, малы ке шуоно мон отын ачим актёр но, режиссёр но. Темаез но туж актуальной потэ
Максим Григорьев, артист

Спектакль 1942-тӥ арын сӥзьыл но 1943-тӥ арын толалтэ Бердск кар вӧзысь запасной 21-тӥ стрелковой полкын улон-вылон сярысь вера. Кызьы отчы али гинэ быдэ вуэм пӧртэм-пӧртэм егит пиос сюризы, кыӵе шуг-секытъёсын соос пумиськылӥзы, мар дӥсязы, мар сиизы.

Фестиваль Москваын 1-10 коньывуонэ ортчоз. Моноспектакльёс бере вераськон-кенешонъёс луозы.

Тодэ вайытом, азьвыл Максим Григорьев малы та романъя моноспектакль пуктыны малпаз вераз вал. Ивортодэтъя «Удмуртия» агентстволэн корреспондентэз уженыз тодматон ужрадэ вуылӥз но учкисьёслэсь мылкыдъёссэс гожтӥз.



Наверх
Вниз