Ижкар+9 °C
16 -тӥ куарусён 2021 Покчиарня
18+

Туспуктэмъёсъя калыккуспо конкурсэ пыриськыны ӧтё Удмуртиын улӥсьёсты

  • 250
  • 0
Москва / Россия
Туспуктэмъёсъя калыккуспо конкурсэ пыриськыны ӧтё Удмуртиын улӥсьёсты
Туспуктэм: Руслан Нуриахметов

Удмуртиын улӥсьёсты туспуктэмъёсъя «Русская цивилизация» V калыккуспо конкурсэ пыриськыны ӧтё. Со сярысь элькунысь печатья но калыке ивортодэт вӧлмытонъя агентстволэн пресс-службаез ивортӥз.

Вожвылъяськон Россиын улӥсь калыкъёслэсь кусыпъёссэс тупатон но йӧскалык лулчеберетэз валанзэс азинтон понна ортчытӥське

Ужъёссэс 18 аресысен ӧнерлыко туспуктӥсьёс но, туспуктыны яратӥсьёс но келяны быгато.

Конкурс куать пӧртэм номинациосъя ортче:

«Уникальная природа» – Россиысь инкуазез возьматӥсь пейзажной туспуктэмъёс, музъемез котыръясьёслы тодмотэм интыос, нюлэсъёс, шуръёс, тыос, гурезьёс, бамалъёс но мукет. Туспуктэмъёс вылын пӧйшуръёс но, тылобурдоос но луыны быгато;

«Лица и поколения» – одӥген, кыкен яке тросэн адямиосын портретной туспуктэмъёс, кудъёсыз соослэсь йӧслыкссэс, сямзэс, аспӧртэмлыксэс возьмато;

«Традции большой страны» – репортажной туспуктэмъёс, кудъёсыз туала улонын ас сямъёссэс, йылолъёссэс утьыны быгатэм Россиысь калыкъёсты возьмато;

«Архитектура и скульптура» – вашкала киуж синпелетъёсты но йӧскалык аспӧртэмлыкез возьматӥсь туала лэсьтэмъёсты (аспӧртэм юртъёсты, синпелетъёсты, живописез но мукетъёссэ) возьматӥсь туспуктэмъёс;

«Духовные скрепы» – калыкъёслэсь лулпушлыксэс усьтӥсь портретъёс но пейзажъёс (вӧсяськон но мукет вӧсьбур интыосты возьматӥсь);

«Многонациональная Москва» – пӧртэм йӧслыкъёсысь потэм адямиослэсь Москваын улэм-вылэмзэс, ужамзэс, шутэтскемзэс возьматӥсь туспуктэмъёс. 

Конкурсэ пыриськисьёс котькудаз номинацие 2016-тӥ арысен туннэ нуналозь лэсьтэм 1-5 туспуктэмзэс келяны быгато.

Вожвылъяськон сярысь пыр-почгес тодыны но куриськонъёс келяны чӧлсконпусъя луэ. Куриськонъёсты 20-тӥ куарусёнозь кутозы. 

Тодэ вайытом, Удмурт дӥсен нылашлэн туспуктэмез «Дети России» вожвылъяськонын вормисьёс пӧлы пыриз.





Наверх
Вниз