Ижкар+2 °C
28 -тӥ коньывуон 2021 Покчиарня
18+

Удмуртиысь сизьым коллективъёс «Поёт село родное» огъяросси фестиваль-конкурслэн финалаз потӥзы

  • 158
  • 0
Ижкар / Удмуртия
Удмуртиысь сизьым коллективъёс «Поёт село родное» огъяросси фестиваль-конкурслэн финалаз потӥзы
Туспуктэм: vk.com (Народное творчество Удмуртии)

Удмуртиысь сизьым коллективъёс калык хоръёслэн но ансамбльёслэн «Поёт село родное» XVII огъяросси фестиваль-конкурссылэн финалаз потӥзы. Со сярысь ивортодэтъя «Удмуртия» агентстволэн корреспондентэзлы Калык творчествоя элькун юртысь ёзэтэн кивалтӥсь Светлана Пчелова вераз.

Быръёнъёсы элькунысь 26 коллективъёс, соос пӧлын куинь солистъёс пыриськизы.

Туж секыт вал бырйыны, малы ке шуоно со элькун фестиваль-конкурслэн кыкетӥ турез вал ини. Со понна ик отын тужгес зол коллективъёс вал ини. Но со коллективъёс пӧлысь быръёно на вал эшшо золзэгес, кудӥз ке Удмуртилэсь данзэ огъяросси фестивальын утёз
Светлана Пчелова, Калык творчествоя элькун юртысь ёзэтэн кивалтӥсь

Озьы, фестивальлэн элькун быръён люкетаз устоосыз луизы но финалэ потӥзы:

  • Николай Постников нимо «Алнаш мылкыд» вокалъя калык ансамбль (Алнаш ёрос культура юрт);
  • «Вечора» кырӟанъя калык ансамбль (Вотка ёросысь Перевознойысь лулчеберетъя центр);
  • «Раздолье» вокалъя ансамбль (Вотка ёросысь Бадӟым Кивар гуртысь лулчеберетъя центр);
  • кырӟанъя но эктонъя «Горенка» калык ансамбльлэн вокальной группаез (Дэри ёросысь «Центральный» лулчеберетъя огъет);
  • кырӟанъя но эктонъя «Марӟан» калык ансамбльлэн вокальной группаез (Дэри ёросысь Подшивал гуртысь лулчеберетъя огъет);
  • «Родные просторы» хор (Можгаысь ёрос культура юрт);
  • «Бӧляк» фольклоръя калык ансамбль (Кияса ёросысь Салья гуртысь культура юрт).

Пусъём, калык хоръёслэн но ансамбльёслэн «Поёт село родное» XVII огъяросси фестиваль-конкурссы Удмуртиын 10-12 куарусёнэ ортчоз. Ужрад «Культура» йӧскалык ӵектос улсын радъяськоз. Отчы Удмуртиысь сяна, Чувашиысь, Комиысь, Волгоград, Самара, Марий Эл, Пермь улосвылъёсысь 16 коллективъёс пыриськозы. 

Тодэ вайытом, Удмуртиын улӥсьёсты туспуктэмъёсъя калыккуспо конкурсэ пыриськыны ӧтё.



Наверх
Вниз