Ижкар+2 °C
28 -тӥ коньывуон 2021 Покчиарня
18+

Сяме пырем киужъя «Берекет» фестиваль ортчоз Лудорвайын

  • 133
  • 0
Лудорвай / Удмуртия
Сяме пырем киужъя «Берекет» фестиваль ортчоз Лудорвайын
Туспуктэм: Руслан Нуриахметов

12-тӥ куарусёнэ «Лудорвай» музей-заповедникын сяме пырем киужъя «Берекет» улосвылкуспо фестиваль ортчоз. Ужрад калык хоръёслэн но ансамбльёслэн «Поёт село родное» XVII огъяросси фестиваль-конкурссы улсын радъяськоз. Со сярысь Калык творчествоя элькун юртлэн пресс-службаез ивортӥз.

Фестиваль улсын кибашлыослэн ужъёсынызы ярмарка, мастер-классъёс, йӧскалык дӥсьёсын бичетъёсты возьматон, йӧскалык дӥсь адӟытон-вузан ортчоз.

Озьы ик пӧртэм ӧръёсъя мастерскойёс ужалозы:

  • сяме пырем крезьгуро инструментъёс лэсьтонъя;
  • лылэсь арбериос лэсьтонъя;
  • горд сюен выронъя;
  • калык шудон лэсьтонъя;
  • куролэсь арбериос пунонъя;
  • ньӧрлэсь арбериос пунонъя;
  • кызьпу туен выронъя;
  • писпу вылын суредаськонъя;
  • куиськонъя.

Куноос мастер-классъёсы пыриськыны, синпель кузьымъёс басьтыны, Удмуртиысь но Россиысь тужгес усто кибашлыосын тодматскыны но «Полотно дружбы» кылдытонэ пыриськыны быгатозы.

Фестиваль 11 часын кутскоз. Площадкаос 15 часозь ужалозы. Ужрадэ пыриськыны мылкыд карисьёс юромо радъям дунтэк автобусэн мыныны быгатозы. Со Ижкарысь «Европа» вузкарон центр дорысь 10 часын кошкоз.

Тодэ вайытом, «Поёт село родное» фестивале Удмуртиысь сизьым коллективъёс пыриськозы



Наверх
Вниз