Ижкар+9 °C
16 -тӥ куарусён 2021 Покчиарня
18+

Удмуртиысь коллективъёс «Поёт село родное» огъяросси фестиваль-вожвылъяськонын вормисьёс пӧлы пыризы

  • 156
  • 0
Ижкар / Удмуртия
Удмуртиысь коллективъёс «Поёт село родное» огъяросси фестиваль-вожвылъяськонын вормисьёс пӧлы пыризы
Туспуктэм: vk.com (Народное творчество Удмуртии)

10-12 куарусёнэ Удмуртиын «Поёт село родное» XVII огъяросси фестиваль-вожвылъяськон ортчиз. Отын вормисьёс пӧлы шаерысьтымы коллективъёс но пыризы. Со сярысь Калык творчествоя элькун коркалэн пресс-службаез ивортӥз.

«Калык хоръёс» номинациын Свердловск улосвылысь кырӟанъя но эктонъя «Уралочка» Россиысь калык творчествоя дано коллектив вормиз.

«Фольклор коллективъёс» номинациын I степенё лауреат Кияса ёросысь Салья гуртысь «Бӧляк» калык ансамбль луиз. Озьы ик нырысетӥ интыез Волгоград улосвылысь «Родные напевы» самодеятельной калык ансамбль басьтӥз. Кыкетӥ Чувашиысь «Санар» коллектив но Комиысь «Усть-Цилемские краснопевы» калык коллектив луизы.

«Калык кырӟанъя ансамбльёс» номинациын Вотка ёросысь Перевознойысь лулчеберетъя центрысь «Вечора» калык ансамбль вормиз. II степенё лауреатъёс Дэри ёросысь Подшивалысь кырӟанъя но эктонъя «Марӟан» калык ансамбльлэн вокальной группаез но Дэри ёросысь «Центральный» лулчеберетъя огъетысь кырӟанъя но эктонъя «Горенка» калык ансамбльлэн вокальной группаез луизы. Куинетӥ интыез Пермь шаерысь Чайковский карысь кырӟанъя но эктонъя Аркадий Шаклеин нимо «Прикамские родники» калык ансамбль, Вотка ёросысь Бадӟым Кивар гуртысь «Раздолье» вокалъя ансамбль, Марий Элысь «Морко кундэм» калык ансамбль но Свердловск улосвылысь кырӟанъя но эктонъя «Росиночка» калык ансамбль люкизы.

Мукетъёссэ коллективъёсты огъяросси фестивале пыриськемзы сярысь дипломъёсын пусйизы.

Фестивальлэн йылпумъян ужрадэ Лудорвай музейын сяме пырем киужъёсъя «Берекет» улосвылкуспо фестиваль улсын ортчиз. Сцена вылэ, вожвылъяськонэ пыриськисьёс сяна, «Брангурт песянайёс» ансамбль но калык эктонъя «Чебеляй» студия потазы.

Тодэ вайытом, «Поёт село родное» фестиваль-вожвылъяськонлэн финалаз Удмуртиысь, Марий Элысь, Комиысь, Башкириысь, Чувашиысь, Свердловск, Волгоград улосвылъёсысь, Пермь шаерысь 16 коллективъёс пыриськизы. Сизьымез соос пӧлысь Удмуртиысь вал.  



Наверх
Вниз