Ижкар+4 °C
19 -тӥ коньывуон 2021 Пуксён
18+

Константин Яковлевлэн «Туноос» веросэз сярысь вераськозы Ижкарын «Молот-шоу» книга клублэн пумиськоназ

  • 165
  • 0
Ижкар / Удмуртия
Константин Яковлевлэн «Туноос» веросэз сярысь вераськозы Ижкарын «Молот-шоу» книга клублэн пумиськоназ
Туспуктэм: Печатья но калыке ивортодэт вӧлмытонъя агентстволэн пресс-службаез

16-тӥ куарусёнэ Ижкарын «Молот-шоу» книга клублэн («Кенеш» журналлэн азьвыл нимызъя) пумиськонэз ортчоз. Со улсын удмурт югдытӥсьлэн Константин Яковлевлэн «Туноос» веросэз сярысь вераськозы, ивортӥз элькунысь печатья но калыке ивортодэт вӧлмытонъя агентстволэн пресс-службаез.

Кенешонлэн валтӥсь куноосыз удмурт кылбурчи, кырӟась Богдан Анфиногенов, гожъяськись, режиссёр, куратор Дарали Лели, гожъяськись, журналист Мария Векшина но удмурт стенд-ап клубез радъясь Александр Бикузин луозы. Пумиськонэз кылбурчи, «Кенеш» журналлэн валтӥсь редакторез, клублэн радъясез Анастасия Шумилова нуоз.

Анастасия Шумилова пусъе, классика литература сярысь вераськыку, ӵемысь син азе школа программа, тузонэн вӧлдӥськем ӝажыос пуксё. Соин ик лыдӟисез литературае берыктыны выль амалъёс утчано.

Мыным «Книжный клуб» шоу кылдытэм стенд-ап комикъёслэн опытсы туж яраз. Отын кылосбур удысын дышетскымтэ вить маскарчиос классика произведениос сярысь верасько: улэп кылын, серем пыр, кышкатэк, сюлмаськытэк, но литератураын улонэз трослы уногес шуыса возьмато. Мыным потэ, удмурт литература вылысь но тузонэз пурӟытыны дыр вуиз
Анастасия Шумилова, «Молот-шоу» книга клубез радъясь

Пумиськонэ пыриськисьёс 1928-тӥ арын гожтэм верослэн туала нуналлы тупамез сярысь, 93 аръем произведенилэн кылыз сярысь вераськозы, маин туала но вашкала пӧечиос висъясько эскерозы. Со сяна трос мукет юанъёсты ӝутозы.

Ужрадэ вань мылкыд карисьёсты ӧтё.

Пумиськон Удмуртиысь йӧскалык лыдӟетъюртын ужъюртэз сӥё-дано усьтон улсын ортчоз. Кутсконэз 19 часын. Вераськон удмурт кылын мыноз. 

Тодэ вайытом, Удмуртиысь йӧскалык лыдӟетъюртэз усьтон нуналэ ужъюртын трос пӧртэм ужрадъёс ортчозы



Наверх
Вниз