Ижкар-4 °C
5 -тӥ толсур 2021 Воскресенье
18+

«Театральное Приволжье» фестивальлэн улосвыл люкетаз куриськонъёсты кутыны кутскизы Удмуртиын

  • 312
  • 0
Ижкар / Россия
«Театральное Приволжье» фестивальлэн улосвыл люкетаз куриськонъёсты кутыны кутскизы Удмуртиын
Туспуктэм: Григорий Фомин

Удмуртиын пиналъёслэн но егитъёслэн театр коллективъёссылэн «Театральное Приволжье» фестивальзылэн улосвыл люкетаз куриськонъёсты кутыны кутскизы. Со сярысь улосвыл тӧролэн но кивалтэтлэн пресс-службазы ивортӥз.

Фестивале егитъёслэн (18-30 арес) но пиналъёслэн (6-17 аресъем) театр коллективъёссы но студиоссы пыриськыны быгато.

Вожвылъяськонлэн нырысетӥ люкетаз куарусёнысен толсурозь фестивальлэн улосвыл быръён люкетэз ортчоз. Улосвылъёсын кык номинациосъя вормисьёсты шараялозы: егитъёслэн но пиналъёслэсь театръёссы пӧлын. Кыкетӥ люкетаз финалистъёслэсь возьматонъёссылэсь видеоез фестивальлэн сайтаз но мерлыко вотэсъёсы поттозы.

Фестиваль 2022-тӥ арын оштолэзе йылпумъяськоз. Куара сётонлы ужъемышъёсты меӵак эфирын видеотрансляци дыръя шараялозы. Вормисьёсты вить ӧръёсъя пусъёзы: «Егитъёслэн устоез спектакльзы», «Пиналъёслэн устоез спектакльзы», «Режиссёрлэн устоез ужез», «Устоез актёр», «Устоез актриса».

Ужрадэ пыриськон понна анкетаез-куриськонэз куриськонэз но гожтэм спектакльлы видеоссылкаез 24-тӥ толсурозь yantarewa_rdnt@inbox.ru электрон адресэ («Театральное Приволжье» пусйыса) ыстоно. Рос-просгес ужрадлэн сайтысьтыз тодыны луоз.

«Театральное Приволжье» округ фестивалез Росси азьмуртлэн Приволжск федерал округъя ужоскето муртэзлэн Игорь Комаровлэн аппаратэз радъя. Улосвылъя оргкомитетэз Удмуртиысь лулчеберетъя министерство но дышетонъя но тодосъя министерство кивалто. Фестивальлэн валтӥсь ужпумез – тросгес егитъёсты искусствое кыскон.

Тодэ вайытом, кылем арын фестивальлэн улосвыл люкетаз пыриськон понна 81 куриськон вуиз. Округъя фестивальлэн валтӥсь но йылпумъян ужрадъёсыз Удмуртиын ортчизы. 



Наверх
Вниз