Ижкар+1 °C
30 -тӥ шуркынмон 2021 Пуксён
18+

Коньдон юрттэт басьтозы Удмуртиысь ньыль театръёс

  • 248
  • 0
Ижкар / Удмуртия
Коньдон юрттэт басьтозы Удмуртиысь ньыль театръёс
Туспуктэм: Константин Вознесенских

Удмуртиын театръёслы юрттон понна субсидиос висъяны вожвылъяськонъёслы йылпумъянъёс лэсьтӥзы. Со сярысь элькун тӧролэн но кивалтэтлэн пресс-службазы ивортӥз.

«Культура» йӧскалык ӵектосэз быдэсъян улсын субсидиос басьтозы:

  • Удмуртиысь операя но балетъя П. И. Чайковский нимо кун театр (1 миллион 700 сюрс манет);
  • Удмуртиысь драмая ӟуч кун театр (1 миллион 400 сюрс манет);
  • Удмуртиысь йӧскалык кун театр (1 миллион 400 сюрс манет);
  • Егитъёслэн «Молодой человек» муниципал театрзы (500 сюрс манет).

Операя но балетъя театр коньдонэз Иоганн Штрауслэсь «Летучая мышь» опереттазэ пуктыны кутоз. Драмая ӟуч театр Мишель Полилэсь француз комедиосъя  «Невероятные события парижского предместья» (нырысь-валысь нимыз) спектакльзэ дасялоз. Нош йӧскалык театр но егитъёслэн театрзы уксёез ужзэс азинтыны но ваньбур инъетсэс умоятыны кутозы.

Пусъём, 1-тӥ куарусёнысен Россиын, озьы ик Удмуртиын, егитъёслы «Пушкинская карта» ужаны кутскиз.

Тодэ вайытом, Удмуртие «Большие гастроли» федерал ӵектос улсын Оренбургысь бигер театр вуылӥз, нош Удмуртиысь театр Оренбурге ветлӥз


Наверх
Вниз