Ижкар+1 °C
30 -тӥ шуркынмон 2021 Пуксён
18+

Лулчеберет юртэз тупатъян ужъёсты йылпумъязы Вавож ёросын

  • 181
  • 0
Гурезь-Пудга / Удмуртия
Лулчеберет юртэз тупатъян ужъёсты йылпумъязы Вавож ёросын
Туспуктэм: vk.com (Владимир Соловьев)

Вавож ёросысь Гурезь-Пудга гуртысь лулчеберет юртэз тупатъян ужъёс йылпумъяськизы. Сое «Культура малой Родины» федерал ӵектос улсын выльдӥзы. Со сярысь элькунысь лулчеберетъя министр Владимир Соловьёв «ВКонтакте» мерлыко вотэсысь бамаз ивортӥз.

Тупатъян ужъёс улсын культура юртысь укноосты, шуныт вуттӥсь сӧзнэтэз, выжез, вӧлдэтэз, пыронэз воштӥзы, отмосткаоссэ тупатъязы, зор ву кошкон гумыос пуктӥзы. Ужъёсты быдэстыны оглом 1,5 миллион манет кутӥзы.

2022-тӥ арын ужъюртысь учкисьёслы залэз выльдыны чаклало

Гурезь-Пудгаысь культура юртын 10 огазеяськонъёс ужало, соос пӧлын киужъя кружок, театр студия, ӝӧквыл теннисъя секция, егит семьяослэн пумиськонъёссы. Отчы 200 пала адями ветлэ. 2019-тӥ арын клубын «Радуга» ансамбль кылдытӥзы, отчы пыриськисьёс ӟуч но удмурт кылын кырӟанъёсты быдэсъяло. Ужъюртын ужасьёс пӧртэм ужрадъёс, концертъёс дасяло.

Пусъём, федерал ӵектосъя тупатъян ужъёс Дэбес ёросысь лулчеберетэз азинтонъя центрын но кутскизы. Лэсьтӥськисьёс юртлэсь отмосткаоссэ но ву кошконзэ выльдозы. Ужъёсты ар пумозь вуттозы.

Нош оглом 2021-тӥ арын «Культура малой Родины» улсын элькунын 25 гурт культура юртъёсты тупатъялозы.

Тодэ вайытом, кемалась ик ӧвӧл Дэбес ёросын выль лулчеберет юртэз усьтӥзы. Нощ Шаркан ёросысь - тупатъязы. 



Наверх
Вниз