Ижкар-4 °C
5 -тӥ толсур 2021 Воскресенье
18+

Эгра ёросысь пиналъёс «Говорю. Верало» ӵектос пыр огъёзъёссэс удмурт лулчеберетэн тодмато

  • 193
  • 0
Эгра / Удмуртия
Эгра ёросысь пиналъёс «Говорю. Верало» ӵектос пыр огъёзъёссэс удмурт лулчеберетэн тодмато
Туспуктэм: vk.com (Игринский районный Дом дружбы народов)

Эгра ёросысь Калыкъёслэн эшъяськон юртазы пиналъёсты удмурт лулчеберетэн тодматон понна «Говорю. Верало» ӵектосэз улонэ пыӵатыны кутскизы. Со сярысь ивортодэтъя «Удмуртия» агентстволэн корреспондентэзлы ӵектосэз одӥгез быдэсъясь, ужъюртысь «Ладушки» калык хорлэн хормейстерез Александра Ушкова вераз.

Удмурт лулчеберетэз пиналъёс, егитъёс пӧлын вӧлмытыны соослы кельшымон амалъёсын малпазы. Озьы, ӵектос улсын видео лэсьтозы, сое You-Tube, Tik-Tok но Instagram мерлыко вотэсъёсы поттозы. Роликъёсын валтӥсь геройёс сизьым пиналъёс луозы.

Видеоосын соос удмурт лулчеберетэз «шӧмъялозы». Кылсярысь, сям-йылолъёслэсь люкетъёссэс быдэстозы, эктонъёсын тодматскозы, кырӟалозы. Али тани соос удмурт сиёнъёсты веръязы: сезьпызь, перепеч, ӝуко мильым, кӧжыпог, сюкасен ӝожон, киренен сюкась
Александра Ушкова, Эгра ёросысь Калыкъёслэн эшъяськон юртысьтызы ӧнерчи

Удмурт лулчеберетлэсь люкетсэ «шӧмъямзы» бере, пиналъёс вераны кулэ, кельшиз-а соослы, ӧз-а, нош ик сиысалзы на-а.

Пусъём, ӵектосэз элькун коньдэтысь субсидия висъямлы луыса улонэ пыӵато. 

Тодэ вайытом, Удмуртиын нылпи анимациез азинтонъя ӵектосэз быдэсто



Наверх
Вниз