Ижкар-24 °C
6 -тӥ толсур 2021 Вордӥськон
18+

Чеберлыко киужъёслы сӥзем энциклопедия но сайт кылдытозы Удмуртиын

  • 241
  • 0
Ижкар / Удмуртия
Чеберлыко киужъёслы сӥзем энциклопедия но сайт кылдытозы Удмуртиын
Туспуктэм: Руслан Нуриахметов

2022-тӥ арын куарусёнлы Удмуртиын шаерысьтымы чеберлыко киужъёслы сӥзем энциклопедия поттозы но сайт кылдытозы. Со ужез «Территория ремесла: современное прочтение» ӵектос улсын быдэстозы. Со сярысь Калык творчествоя элькун юртлэн пресс-службаез ивортӥз.

Ӵектос XX – XXI вакытъёс вискын йылолъёсты улӟытонъя сӧзнэтэз кылдытонлэсь валтӥсь люкетъёссэ, мугъёссэ эскерон вылысь малпамын. Кибашлыослэн, суредасьёслэн, тодосчиослэн, дышетӥсьёслэн улонзы но ужамзы вылын чеберлыко творчестволэн ӧръёсызлэсь юнмамзэс, Удмуртиысь декоративно-прикладной искусствоез азинтонын катрадлык актъёслэсь интызэс возьматыны, Киужъёсъя центръёслэсь ужамзэс эскерыны но соослэсь туала культурае ватсэтсэс эскерыны ужпум пуктэмын.

«Территория ремесла: современное прочтение» ӵектос Азьмуртлэн лулчеберет кичӧлтонъёсъя фондысьтыз грант утӥз. Со коньдонэн вань материалъёсты печатласа но электрон амалэн огазеялозы. Со лулчеберетъя но дышетонъя ужъюртъёсын возьматон понна тодосъя но ивортодэтъя выль инъет кылдытыны но удмуртъёслэн чеберлыко киужъёсъя аспӧртэм йылолъёссылэн азинскемзы, улосвылын соосты улӟытон ужрадъёс сярысь мургес валаны луонлык сётоз.

Ӵектосэз Истори но лулчеберет синпелетъёсты утёнъя огъяросси огазеяськонлэн улосвыл ёзэтэз, Россиысь тодосъя академилэн Урал ёзэтысьтыз Эскеронъёсъя удмурт федерал центрлэн Историяя, кылъя но литературая удмурт институтэз, Калык творчествоя элькун юртысь Чеберлыко киужъёсъя ёзэтэз дасязы. Проектлэн кивалтӥсез - Историяя, кылъя но литературая удмурт институтысь валтӥсь ӧнерчи, Россиысь но Удмуртиысь лулчеберет удысысь дано ужась Анетта Сидорова.

Тодэ вайытом, азьвылгес Удмуртиын фольклоръя но этнографияя «Мерас»вотэсбам (сайт) кылдытӥзы



Наверх
Вниз