Ижкар-24 °C
6 -тӥ толсур 2021 Вордӥськон
18+

Ижкарысь Кузебай Герд нимо гимназия анай кылъёсты утёнъя но дышетонъя фондлэсь грантсэ утӥз

  • 256
  • 0
Ижкар / Удмуртия
Ижкарысь Кузебай Герд нимо гимназия анай кылъёсты утёнъя но дышетонъя фондлэсь грантсэ утӥз
Туспуктэм: Руслан Нуриахметов

Кузебай Герд нимо удмурт кун йӧскалык гимназия Россиысь калыкъёслэсь анай кылъёссэс утёнъя но дышетонъя фондлэсь грантсэ утӥз. Вормисе «Мастерская этноязыкового творчества "Эрекет"» ӵектоссы потӥз. Со сярысь Удмуртиысь дышетонъя но тодосъя министерстволэн пресс-службаез ивортӥз.

Ӵектос улсын егитъёс пӧлын калык эктон но фольклор ӧрез азинтон понна дышетон но творчествоя ужрадъёс ортчытозы. Гимназия калык эктон пыр удмурт кылэз но лулчеберетэз вӧлмытон ужзэ азьланьтоз, со Азьмуртлэн грантъёсъя фондэныз дурбасьтэм «Мост — транзит традиций» ӵектос улсын кутскиз ни.

Кык толэзь ӵоже ӵектосэз улонэ пыӵатон улсын фольклор бичанъя одӥг нуналъем экспедици радъялозы. Озьы ик калык эктонъя мастер-классъёс чакламын. Ӵектосэ пыриськисьёс куинь удмурт эктонэз дышетозы.

Валтӥсез ужрад луоз «Ойдолэ эктом!» программа, отын эктонъёсты удмурт кылъёсты дышетонэн ӵош возьматозы.

Ӵектослэн ужрадъёсыз эктон устолыкез утьыны но будӥсь выжыослы сётыса азинтыны юрттозы

Тодэ вайытом, азьвылгес Кузебай Герд нимо йӧскалык гимназиысь калык эктонъя «Чебеляй» студия «Образцовой нылпи коллектив» нимзэ зэматӥз



Наверх
Вниз