Ижкар-24 °C
6 -тӥ толсур 2021 Вордӥськон
18+

Армие келян йылолъёслы сӥзем адӟытон усьтӥськиз Удмуртиысь йӧскалык музейын

  • 323
  • 0
Ижкар / Удмуртия
Армие келян йылолъёслы сӥзем адӟытон усьтӥськиз Удмуртиысь йӧскалык музейын
Туспуктэм: Григорий Фомин

Удмуртиысь Кузебай Герд нимо йӧскалык музейын «Как родная меня мать провожала» адӟытон усьтӥськиз. Со элькунын улӥсь пӧртэм калыкъёслэн армие басьтон сям-йылолъёссы сярысь вералоз, ивортӥз ужъюртлэн пресс-службаез.

Адӟытонэн тодматскыны лыктӥсьёс тодозы, малы удмурт коркаосын чук шуккылӥзы, бигеръёс пызен наштам киоссылэсь пытьызэ кельтылӥзы, нош ӟучьёс куртчылэм нянь сукыриез возьылӥзы.

Куноос пӧртэм вакытъёсысь солдатъёслэсь улон-вылонзэс возьматӥсь арбериосты адӟыны быгатозы, соос пӧлын дӥськут, тусьты-пуньы, гожтэтъёс.

Нимысьтыз саклык висъямын доре бертыны дасяськонлы. Приказ потытозь 100 нунал кылемез пусъён, туспуктэмъёсын «дембель» альбом кылдытон, аксельбантъёс пунон.

Адӟытон 5-тӥ толсурозь ужалоз. 

Тодэ вайытом, туэ сӥзьыл армие басьтон улсын Удмуртиысь 1 сюрс 400 пала пиос службае мынозы.



Наверх
Вниз