Ижкар+1 °C
30 -тӥ шуркынмон 2021 Пуксён
18+

30 дипломъёс басьтӥзы Удмуртиысь кибашлыос огъяросси вожвылъяськонлэн округъя финалаз

  • 289
  • 0
Пермь / Россия
30 дипломъёс басьтӥзы Удмуртиысь кибашлыос огъяросси вожвылъяськонлэн округъя финалаз
Туспуктэм: Григорий Фомин

Пермын «Туристический сувенир» огъяросси вожвылъяськонлэн Приволжск федерал округъя йылпумъян люкетэз ортчиз. Удмуртиысь кибашлыос 30 диплом басьтӥзы. Со сярысь элькун тӧролэн но кивалтэтлэн пресс-службазы ивортӥз.

Вожвылъяськонын ужъёссэс Дэбес, Эгра, Сарапул, Якшур-Бӧдья, Шаркан ёросъёсысь, Ижкарысь, Глазкарысь но Сарапулысь кибашлыос возьматӥзы. Нырысетӥ инты понна куать диплом басьтӥзы, кыкетӥ инты понна – 13, куинетӥ инты понна – 11.

Тужгес трос данъетъёс Дэбес ёросысь усточиос вайизы – пӧртэм степенё 12 дипломъёс

Вожвылъяськонын 370 синпельёсты дунъязы, со пӧлысь 91-ез Удмуртиысь. Озьы ик конкурсэ Киров, Нижний Новгород, Пенза, Самара, Саратов, Ульяновск улосвылъёсысь, Башкортостанысь но Татарстанысь ужъёс пыриськизы.

«Туристический сувенир» йӧскалык вожвылъяськонлэн йылпумъян люкетэз толсуре Мордовилэн шоркараз Саранскын ортчоз.

Тодэ вайытом, Удмуртиын чеберлыко киужъёслы сӥзем энциклопедия но сайт кылдытозы



Наверх
Вниз