Ижкар+1 °C
30 -тӥ шуркынмон 2021 Пуксён
18+

Финн-угор калыкъёслы но кылъёслы сӥзем адӟытон усьтӥськиз Удмуртиысь Калыкъёслэн эшъяськон юртазы

  • 211
  • 0
Ижкар / Удмуртия
Финн-угор калыкъёслы но кылъёслы сӥзем адӟытон усьтӥськиз Удмуртиысь Калыкъёслэн эшъяськон юртазы
Туспуктэм: Удмуртиысь Калыкъёслэн эшъяськон юртсылэн пресс-службаез

Удмуртиысь Калыкъёслэн эшъяськон юртазы «Кыл – живое древо языков» адӟытон усьтӥськиз. Ужрад Ӵыжы-выжы финн-угор калыкъёслэн нуналъёссылы сӥземын. Со сярысь ужъюртлэн пресс-службаез ивортӥз.

Адӟытонэ финн-угор кылъёсын плакатъёс поттэмын. Озьы ик постеръёс ӵыжы-выжы калыкъёслэн нуналмысь улонын кутӥськись арбериосты возьмато, финн-угор кылъёсын вераськись адямиослэн лыдзы сярысь верало.

Со сяна, Калыкъёслэн эшъяськон юртсылэн, Чеберлыко киужъёсъя йӧскалык центрлэн, лулчеберетъя йӧскалык огазеяськонъёслэн фондъёсазы возиськись крезьгуро инструментъёсты, книгаосты, дӥськутэз, йӧскалык синпельёсты адӟыны луоз.

Озьы ик экскурсия видое гожтэмын луоз, сое «Даур ТВ» вотэс телеканалын но эшъяськон юртлэн огиназ возьматозы. 

Адӟытонэз Калыкъёслэн эшъяськон юртазы лыктыса учкон понна 8 (3412) 63-10-91 телефон номеръя гожтӥськыны кулэ. Со коньывуон пумозь ужалоз.

Ӵыжы-выжы финн-угор калыкъёслэн нуналъёссы коньывуонлэн куинетӥ арняяз Россиысь финн-угор улосвылъёсын, Финляндиын, Венгриын но Эстониын пӧртэм ужрадъёсын пусйисько

Тодэ вайытом, Удмуртиысь Кузебай Герд нимо йӧскалык музейын «Как родная меня мать провожала» адӟытон (12+) усьтӥськиз



Наверх
Вниз