Ижкар+1 °C
30 -тӥ шуркынмон 2021 Пуксён
18+

«Палэзян» финн-угор фестиваль вотэсын ортчоз 20-тӥ коньывуонэ

  • 177
  • 0
Ижкар / Удмуртия
«Палэзян» финн-угор фестиваль вотэсын ортчоз 20-тӥ коньывуонэ
Туспуктэм: Григорий Фомин

20-тӥ коньывуонэ «ДаурТВ» вотэс телеканаллэн эфираз финн-угор крезьгурасьёс сяме пырем йӧскалык инструментъёсын шудозы. «Палэзян» фестиваль Ӵыжы-выжы финн-угор калыкъёслэн нуналъёссылы сӥземын. Со сярысь Удмуртиысь Калыкъёслэн эшъяськон юртсылэн пресс-службаез ивортӥз.

Аспӧртэм концертэз котькуд мылкыд карись 19 часысен адӟыны быгатоз.

Учкисьёсты финн-угор калыкъёслэн сяме пырем крезьгуро инструментъёссылэн историеныз тодматозы. Ӧнерлыко крезьгурасьёс егит ужъюлтошъёссылы ужан амалъёссы сярысь вералозы.

Крезьгуро ӝытэ пыриськозы:

- Иван Каменщиков но Пондаш Эдик – Марий Элысь «У ЕН» этно-панк ансамбльысь солистъёс. Иван вашкала пор инструментъёс лэсьтэ но соосын вашкалазэ но туалазэ валчеяса шудэ;

- Миклош Дэметер – Румынись Трансильвания улосысь мадьяр крезьгурась, фольклорист, сяме пырем крезьгуро инструментъёсты лэсьтӥсь.

- Чудья Жени – Удмуртиысь крезьгурась но суредась, вашкала кубызэз, удмурт калык кырӟанъёсты но туала электрон крезьгурез огазея;

- Вероника Фёдорова – Удмуртиысь фольклоръя ӧнерчи, «Азвесям» ансамбле пыриськись, крезен шудыны дышетӥсь;

- Ольга Перевозчикова, Удмуртиысь фольклорист, «Азвесям» ансамбле пыриськись, сяме пырем кырӟанъёсты быдэстӥсь;

- удмурт егитъёслэн «Шунды» огазеяськонзылэн ёзчиосыз.

Тодэ вайытом, 21-тӥ коньывуонэ Удмуртиысь йӧскалык лыдӟетъюртын бесерман кылын «Вортча мадьёс» книгаен тодматон ортчоз



Наверх
Вниз