Ижкар-4 °C
5 -тӥ толсур 2021 Воскресенье
18+

Удмурт нылаш Уфаын «Мисс Содружество – 2021» ӵектослэн финалаз потӥз

  • 287
  • 0
Уфа / Россия
Удмурт нылаш Уфаын «Мисс Содружество – 2021» ӵектослэн финалаз потӥз
Туспуктэм: vk.com (Мисс Содружество - 2021, Уфа)

20-тӥ коньывуонэ Уфаын чеберлыкъя но устолыкъя «Мисс Содружество – 2021» ӵектослэн быръён люкетэз ортчиз. Удмурт нылаш Мариалина Нуриахметова вожвылъяськонлэн финалаз шедиз. Со сярысь ужрадлэн «ВКонтакте» мерлыко вотэсысь огиназ ивортӥзы.

Мариалина Татышлы ёросысь Вязовка черкогуртын вордскиз, али Ижысь техникая кун университетын дышетске

Вожвылъяськонэ Башкириын улӥсь калыкъёс пӧлысь 18-27 аресъем нылъёс пыриськыны быгато. Быръён люкетаз 10 апайёс вуизы. Конкурслэн йылпумъян люкетаз сизьымзэ гинэ бырйизы – соос башкир, кыргыз, шорцы, удмурт, армян, бигер, казах выжыысь. Ӵектос улсын нылъёс кӧня ке толэзь ӵоже ас калыксылэн лулчеберетэныз тодматозы.

Вожвылъяськонэз финалэз телевидениын ортчоз. Нуналзэ радъясьёс берлогес ивортозы.

Тодэ вайытом, Мариалина Нуриахметова Башкириын ортчем «Чеберина-2021» элькун вожвылъяськонын вормиз, нош солэсь азьвыл «Чеберай-2020» ним басьтӥз.

Ватсалом, 2018-тӥ арын Башкириысь удмурт нылашез Анастасия Самигуловаез «Мисс International – Ufa» элькун вожвылъяськонын (али «Мисс Содружество» нимаське) «Мисс Этно» номинациын пусйизы



Наверх
Вниз