Ижкар-4 °C
5 -тӥ толсур 2021 Воскресенье
18+

Афишаосъя элькун вожвылъяськон кутскиз Удмуртиын «Театральное Приволжье» фестиваль улсын

  • 245
  • 0
Ижкар / Удмуртия
Афишаосъя элькун вожвылъяськон кутскиз Удмуртиын «Театральное Приволжье» фестиваль улсын
Туспуктэм: vk.com (Окружной фестиваль «Театральное Приволжье»)

Удмуртиын пиналъёслэн но егитъёслэн коллективъёссылэн «Театральное Приволжье» фестивальзылы афишаос но плакатъёс лэсьтонъя элькун вожвылъяськон кутскиз. Со сярысь улосвыл тӧролэн но кивалтэтлэн пресс-службазы ивортӥз. 

Конкурсэ 6-30 аресъем вань мылкыд карисьёс пыриськыны ыбгато. Ужъёсты электрон амалэн кутозы, соин ик быдэстэм афишаосты но плакатъёсты сканировать карыны кулэ луоз. Соосты 30-тӥ шуркынмонозь ya.socped-rcdod@yandex.ru электрон почтае келяно,темая «Афишаос» пусйыса.

Ужъёсты пӧртэм амалэн быдэстыны луэ, соосты арлыдъя кык категориын дунъялозы: 6-17 аресъем дышетскисьёс но 30 аресозь егитъёс.

Пинал суредасьёс но дизайнеръёс ужъёссэс пӧртэм амалъёсын быдэсто – графика, батик, буёлъёс, компьютер дизайн но фотоколлажъёс. Тросэз со афишаос но плакатъёс рос-прос лэсьтэмын, умой радъям композициен
Вадим Костылев, Пиналъёслы ватсаса тодон-валанъёс сётонъя элькун центрысь ӧнерчи

Вормисьёслэсь ужъёссэс фестивальлэн округъя люкетаз ыстозы.

Тодэ вайытом, «Театральное Приволжье» фестиваль улсын афишаосъя но плакатъёсъя нырысетӥез конкурс 2019-тӥ арын ортчиз. Соку элькун вожвылъяськонэ 130 афишаос вуизы, нош 2020-тӥ арын 154 пыриськисьёслэн ужъёссы вуизы. Округын пусъем ужъёс но вань: 2019-тӥ арын Можгаысь Екатерина Плешкова «Тимур и его команда» спектакльлы афишаеныз «Лучшие школьные работы» номинациын куинетӥ инты басьтӥз. 

Ватсалом, озьы ик та дыре «Театральное Приволжье» фестивальлэн улосвыл люкетаз куриськонъёсты кутон мынэ



Наверх
Вниз