Ижкар+12 °C
24 гудырикошкон 2019 Кӧснунал
16+

Кузебай Гердлы сӥзем XX лыдӟонъёс 16-тӥ тулыспалэ Пичи Пурга черкогуртын ортчозы

  • 823
  • 0
Ижкар / Удмуртия
Кузебай Гердлы сӥзем XX лыдӟонъёс 16-тӥ тулыспалэ Пичи Пурга черкогуртын ортчозы
Фото: Анжелика Петрова

Кузебай Гердлы сӥзем XX элькун лыдӟонъёс 2017-тӥ арын 16-тӥ тулыспалэ Пичи Пурга черкогуртын ортчозы. Со нимаськоз «Кузебай Гердлэн дуннеосыз: Гурт — Кар — Кыл — Революция». Сыӵе пумкылъян кутӥзы 31-тӥ толшоре «Удмурт Кенеш» огазеяськонлэн исполкомезлэн кенешоназ. Со сярысь ивортэ «Удмуртия» агентстволэн корреспондентэз.

Герд лыдӟонъёсты нырысьсэ радъялозы Ижкарлэсь палэнын — Пичи Пурга черкогуртын. Вань удмуртъёслэн «Удмурт Кенеш» огазеяськонзылэн тӧроез Татьяна Ишматова верамъя, карын ужрад «кыӵе ке кулуарногес» ортчыны кутскиз вал ини.

«Нош ёросэ потыса, милемыз оскытӥзы, вайыны быгатозы шуыса, нырысь ик, гуртъёсысь пиналъёсыз но, дышетӥсьёсыз но, лулчеберет удысысь ужасьёсыз но. Озьыен, Пургаез ке но асьмеос басьтыны быгатӥськом ини. Со дыре ик ёросъёс но куд-огъёсыз лыктозы. Соослэн тунсыкъяськонзы луоз, дыр, кызьы уло Пичи Пургалан, кыӵе соослэн югдурзы, кызьы соос быгато ортчытыны. Соин ик, оло, мыло-кыдогес лыктозы», — шуиз Татьяна Ишматова.

Солэн кылъёсызъя, радъясь комитетлэн одӥгез пумиськонэз Пичи Пургалэн тӧроеныз Светлана Колодкинаен ортчиз ини.

Пленарной кенешонын таӵе ивортонъёсын тодматозы:

  • «Воршуд шур кузя: маин кужмо удмуртъёс» (Людмила Шумилова, Пичи Пургаысь ёрос библиотекалэн, удмурт лулчеберетъя «Дэмен» огазеяськонлэн Пичи Пурга ёросысь ёзэтэзлэн кивалтӥсез)
  • «Герд но со вакытысь лэчыт ужпумъёс: кылбурчилэн публицистикаез» (Александр Шкляев, кылосбур тодосъя кандидат, Удмурт кун университетысь журналистикая кафедраысь доцент)
  • «Гурт — Кар, Кузебай Гердлэн поэзияз удмурт асшӧдонлыкез» (Алексей Арзамазов, кылосбур тодосъя доктор, Историяя, кылъя но литературая удмурт институтысь кылосбур эскеронъёсъя ёзэтысь тодосъя ужась)
  • «Кылъя политика глобализация вакытэ» (Александр Егоров, кылосбур тодосъя кандидат, Историяя, кылъя но литературая удмурт институтлэн кивалтӥсезлэсь ужзэ огдырлы быдэсъясь)
  • «Удмуртский язык как ресурс адаптации человека» (Игорь Поздеев, истори тодосъя кандидат, Историяя, кылъя но литературая удмурт институтысь междисциплинарной но прикладной эскеронъёсъя ёзэтысь  тодосъя валтӥсь ужась)
  • «Гырисьтэм геры сынэ: кинлы кулэ но кинлы кулэ ӧвӧл удмурт кыл» (Василий Ванюшев, кылосбур тодосъя доктор, Историяя, кылъя но литературая удмурт институтысь тодосъя ужась)

Со сяна, элькун лыдонъёсын ик Кузебай Герд нимо премиез басьтӥсьёс пусъемын луозы. Тодэ вайытом, «Удмурт Кенеш» огазеяськонлэн исполкомез пуктэмъя, 2016-тӥ ар понна премилэн лауреатъёсыз луизы Пичи Пургаысь Василий но Татьяна Москвинъёс, Можга ёросысь Геннадий Кудрявцев но Эстониысь гожъясь Арво Валтон.

Герд лыдӟонъёсы радъясьёс элькунысь ог 100 пала, Ижкарысь 50 пала но Пичи Пурга ёросысь 250 пала пыриськисьёсты возьмало.

ВАТСАН

Азьло аръёсы ортчем Герд лыдӟонъёслэн темаоссы: 
1988-тӥ ар — Кузебай Герд вордӥськем дырысен 90 ар тырмонлы сӥземын 
1993-тӥ ар — Кузебай Герд вордӥськем дырысен 95 ар тырмонлы сӥземын 
1998-тӥ ар — Кузебай Герд вордӥськем дырысен 100 ар тырмонлы сӥземын 
2000-тӥ ар — «Кузебай Герд но дыр» 
2001-тӥ ар — «Кузебай Герд но удмурт кыл» 
2002-тӥ ар — «Кузебай Герд но йӧскалык югдытонэн герӟаськем юанъёс» 
2003-тӥ ар — «Кузебай Герд но финн-угор дунне»  
2004-тӥ ар — Удмуртъёслэн I Росси ӧтчамзылы 85 ар тырмонлы сӥземын  
2005-тӥ ар — темаез ӧвӧл 
2006-тӥ ар — «Кузебай Герд но солэн юрттӥсьёсыз» 
2007-тӥ ар — «Трокай Борисов — Кузебай Гердлэн ужъя оскымон эшез» 
2008-тӥ ар — Котырес лыдпусо элькун лыдӟонъёс
2009-тӥ ар — «Кузебай Герд — дано дышетӥсь»  
2010-тӥ ар — «Кузебай Герд — мер но политика удысъёсысь ужась»    
2011-тӥ ар — «Трокай Борисов но Кузебай Герд — историысь дано адямиос» 
2012-тӥ ар — «Кузебай Герд но Гердоведение»
2013-тӥ ар — «Удмурт калыклэн лулчеберетэз — валчеясь кужым»
2014-тӥ ар — «Герд лыдӟонъёс: Кузебай Герд но калык визьбур»
2015-тӥ ар — «Герд лыдӟонъёс. Кузебай Гердлэн творчествоезлэн туала дышетскисьёслэн улоназы интыез» 
2016-тӥ арын Герд лыдӟонъёс ӧз ортче, Йӧскалык премия Вань удмуртъёслэн ӧтчамазы сётэмын вал (11–12 тулыспалэ).  

Наши партнеры

Наверх
Вниз