Ижкар+15 °C
8 -тӥ куартолэзь 2021 Кӧснунал
18+

Ивортӥсь тылъёсты ӝуатозы 24-тӥ тулыспалэ ДондыДорын

  • 961
  • 0
Глазкар / Удмуртия
Ивортӥсь тылъёсты ӝуатозы 24-тӥ тулыспалэ ДондыДорын
Фото: udnii.ru

24-тӥ тулыспалэ Глаз, Яр но Балезино ёросын нырысетӥез истори эскерон ортчоз. Донды батырлэн музъемъёсыз вылын - ДондыДорын - ивор сётӥсь тылъёсты ӝуатозы. Соос Учкакарысен Гуръякарозь каръёсты герӟаны кулэ. Со сярысь иворъёсъя «Удмуртия» агентстволы ивортӥз Глазкарысь Лулчеберетъя но туризмъя центрен кивалтӥсь Евгений Баженов.

«24-тӥ тулыспалэ Историяя, кылъя но литературая удмурт институтэн ӵош Лулчеберетъя но туризмъя центр «Глаз музъем — Дондылэн музъемез» мегапроектлэсь огзэ люкетсэ улонэ пыӵатэ. Со 9-тӥ-13-тӥ дауръёсысь Чупчи археологи лулчеберетлэсь сяме пырем дунлыкъёссэ улӟытонлы малпамын. Ми тыршом ӝуатыны тылъёсты, кудъёсыз Чупчи шур кузя ивор вӧлмыто но каръёсты герӟало вал. Вань малпан, тушмон вуэ ке яке кыӵе ке мукет учыръёс кылдо ке, каръёс тылъёс ӝуатыса герӟаськылӥзы шуыса. Ӵапак со тылъёсты ми эксперимент улсын ӝуатъялом 24-тӥ тулыспалэ. Яр ёросысен Балезино ёросозь, Учкакарысен Гурьякарозь (виссы огъя 44 иськем луэ). Озьы ик пыриськозы Иднакар но, Эбгакар но, Утемкар но», — вераз Евгений Баженов.

Эсеронлэн куронъёсызъя, Учкакарысь ӵын Эбгакарын адӟиськыны кулэ, Эбгакарысь  — Утемкарын, отысь — Иднакарын, нош собере Гурьякарын.

Фото: Центр культуры и туризма
Тылъёсты ӝуатонлэн схемаез                                                                                                               Фото: Центр культуры и туризма ©

Сигнал кытын ке куспетӥ луиз ке, вераны луоз, дыр, кытын ке но археологъёсын шедьтымтэ кар вань на шуыса.

Ужанрадлыкын:

9.00 — кутсконэз (Глазкар);

11.00 — 12.00 — ивортӥсь тылъёсты ӝуатон;

14.00 — 16.00 — Адам гуртын йылпумъян, ДондыДорлэсь тылзэ ӝуатон, йылпумъянъёс лэсьтон но азинскыны луонлыкъёсты эскерон.

11 часлы Балезино ёросысь Гурьякаре Россилэн Кун Думаысьтыз депутатэз Алексей Загребинэз но Удмуртиысь лулчеберетъя но туризмъя министрлэсь воштӥсьсэ Денис Утробинэз возьмало.

Евгений Баженовлэн верамезъя, ужрадын валтӥсь юрттӥсьёссы луо снегоходчикъёслэн огиназы пыриськисьёс. Со сяна, юрттэт сётэ Геннадий но Елена Тимченкоослэн фондзы. Ӵапак отысь утэм грант улсын улонэ пыӵа «Лулчеберетъя но туризмъя ДондыДор парк» ӵектос.



Наверх
Вниз