Ижкар-24 °C
6 -тӥ толсур 2021 Вордӥськон
18+

Шаертодонъя «Я живу в Удмуртии» лыдӟон книга поттӥзы Ижкарын

  • 1291
  • 0
Ижкар / Удмуртия
Шаертодонъя «Я живу в Удмуртии» лыдӟон книга поттӥзы Ижкарын
Фото: Григорий Фомин

Шаертодонъя «Мон улӥсько Удмуртиын» лыдӟон книга поттӥзы Ижкарын. Со пиналъёслы, анай-атайёслы, дышетӥсьёслы, Удмуртилэн историеныз, калыкеныз тунсыкъяськисьёслы чакламын. Книга бордын ужазы «Удмуртия» издательствоын. Иворъёсъя «Удмуртия» агентстволэн корреспондентэзлы со сярысь вераз книга бордын ужась, книгапоттониысь валтӥсь редактор Георгий Грязев.

«Та книга лэсьтон бордын ми азьло ик малпаським вал ини, малы ке шуоно пиналъёслы доразы  анай-атайёсынызы лыдӟыны, дышетӥсьёслы, сыӵе валамон, пӧртэм туспуктэмъёсын ужъёсмы милям кемалась ӧй вал ини», — шуиз Георгий Грязев.

Фото: Григорий Фомин
Шаертодонъя лыдӟон книгалэн вылтусыз                                                                           Фото: Григорий Фомин © udmurt.media

Солэн кылъёсызъя, та книга бордын арлэсь кема ужазы. Тужгес секытэз вал суредъёс, туспуктэмъёс люканы. Бадӟым юрттэт сётӥзы удмурт суредасьёслэн Валентин Белыхлэн, Вячеслав Михайловлэн ужъёссы.

Нош гожъямъёссэ быдэсак дасяз ачиз Георгий Грязев.

«Татын 20 пала разделэз, кутске вашкала дыръёсысен ик. Удмурт шаерамы куке нырысьсэ адямиос улыны кутскизы. Собере тӥни мифъёс сярысь вераськиськом, Иднакарлы нимысьтыз саклык висъям. Нимысьтыз люкетъёс сётэмын каръёсмылы асьме элькунысь, озьы ик черк но язычество кусыпъёслы, Сибирь трактлы, асьме элькунмылэн граждан но Быдӟым Атыкай ожъёс вакытъёсызлы, дано пиосмылы но нылъёсмылы сӥземын, туала вакытлы, тани экономикалы, туала удмурт лулчеберетлы, кыӵе со азинске, кыӵе ансамбльёс вань, кыӵе дано пиосмы вань лулчеберет удысын. Тӥни солы бадӟым саклык висъямы та книгаын. Бадӟымгес саклык висъям удмурт калыклэн историезлыгес», — вераз книга бордын ужась.

Книгалэн тиражез 1500 экземпляр. Со бадӟым форматэн но яркыт буёло, пиналъёслы учкымон, кие кутымон поттэмын. 

Фото: Григорий Фомин
Книгалэн бамъёсыз яркыт буёлоесь, учкымонэсь                                                                  Фото: Григорий Фомин © udmurt.media


Наверх
Вниз