Ижкар+1 °C
30 -тӥ шуркынмон 2021 Пуксён
18+

Финн-угор калыкъёслэн выжыкылъёссыя но мифъёсъя 31 мультфильм возьматозы Удмуртиын

  • 771
  • 0
Лудорвай / Удмуртия
Финн-угор калыкъёслэн выжыкылъёссыя но мифъёсъя 31 мультфильм возьматозы Удмуртиын
Туспуктэм: Григорий Фомин

Удмуртиын ортчись Мультипликацияя калыккуспо финн-угор фестиваль улсын финн-угор калыкъёслэн выжвкылъёссыя но мифъёсъя 31 мультфильм возьматозы. Со сярысь ивортӥзы элькунысь лулчеберетъя но туризмъя министерстволэн пресс-службаяз.

Тодэ вайытом, калыккуспо фестиваль «Лудорвай» музей-заповедникын 19–20 куартолэзе ортчоз. Вормисьёсты вить ӧръёсъя быръёзы. Пыриськисьёс пӧлын тодмо мультипликаторъёс но, кылсярысь, Эстониысь Прийт Тендер (со саам кылын мультфильм возьматоз), озьы ик кутскисьёсыз — Ижкарысь 60 номеро школаын кыкетӥ классын дышетскись.

Фестивалез радъясьёс луизы «Лудорвай» музей-заповедник, Россиысь финн-угор лулчеберетъя центр, Эстон йӧскалык музей, Коми элькунысь Йӧскалык музей.

Ужрадэ пыриськозы Удмуртиысь, Эстониысь, Комиысь, Марий Элысь, Карелиысь, Ханты-Манси автоном округысь но Новосибирскысь мультипликаторъёс.

Учкисьёслы 31 уж возьматозы. Ваньмыз фильмъёс удмуртъёслэн, саамъёслэн, вепсъёслэн, комиослэн, поръёслэн, хантыослэн но мансиослэн выжыкылъёссыя но мифъёссыя лэсьтэмын.

Со сяна, фестиваль улсын Эстониысь мультипликаци студилэн режиссёрез Прийт Тендер мастер-класс ортчытоз, Эстон йӧскалык музейысь ӧнерчи Валентина Семёнова вотэсын мультипликацияя огинъёс, финн-угор мультипликаторъёсъя база сярысь докладзэ лыдӟоз.

Пырон билетлэн дуныз: 60 манетысен 100 манетозь.



Наверх
Вниз