Ижкар+6 °C
18 -тӥ коньывуон 2021 Вордӥськон
18+

Удмурт лулчеберетъя центрлэн пуштросэз пумысен калыкен кенешон ортчоз 7-тӥ инвожое Ижкарын

  • 644
  • 0
Ижкар / Удмуртия
Удмурт лулчеберетъя центрлэн пуштросэз пумысен калыкен кенешон ортчоз 7-тӥ инвожое Ижкарын
Туспуктэм: Григорий Фомин

Владимир Короленко нимо драмая ӟуч театрлэн азьвыл юртаз Удмурт лулчеберетъя центр усьтыны чакламын. Мар отын луыны кулэ? Та пумысен мылкыдъёсты вераны луоз 7-тӥ инвожое 18 часын элькун филармониын мер кенешонын. Иворъёсъя «Удмуртия» агентстволы со сярысь вераз «Удмурт Кенеш» огазеяськонлэн исполкомезлэн ёзчиез Зинаида Рябинина.

Со сяна, мылкыдъёсты шараяны луоз та чӧлсконъя.

Рябининалэн верамезъя, 23-тӥ куартолэзе та ужпумъя ужась группа люкаськылӥз ни. Улосвыл тӧролэн внештатной советникез Александр Свинин ивортӥз, центрез 2019-тӥ арозь лэсьтыны чакламын. Солэсь учкетсэ (концепцизэ) кылдытон борды басьтӥськемын ни.

Тодэ вайытом, 20-тӥ куартолэзе «Удмурт Кенешлэн» азьветлӥсьёсыз Удмуртилэн тӧроезлэн ужзэ огдырлы быдэсъясен Александр Бречаловен пумиськылӥзы. Отын соос Колрленко театрлэн юртаз Удмурт лулчеберетъя центр усьтыны мылкыдзэс веразы. Улосвыл кивалтӥсь ӵектонлы дурбасьтӥз.

21-тӥ куартолэзе со драмая ӟуч театрлэн азьвыл юртаз ветлӥз. Нош 22-тӥ куартолэзе ортчем аппарат кенешонын вераз кенешчиослэн отын «удмурт лулчеберетъя центр кылдытонъя куронзы туж шонер» шуыса.

Короленко нимо театрлэн юртэз али буш шуыны луоз. Отчы фольклор кырӟанъя но эктонъя «Айкай» театр гинэ интыяськемын.



Наверх
Вниз