Ижкар+6 °C
18 -тӥ коньывуон 2021 Вордӥськон
18+

Ижкарысь Арина Петрова «Детская новая волна — 2017» вожвылъяськонын вормиз

  • 945
  • 0
Ялта / Россия
Ижкарысь Арина Петрова «Детская новая волна — 2017» вожвылъяськонын вормиз
Туспуктэм: vk.com (Детская Новая Волна)

Ижкарысь 13 аресъем Арина Петрова но Армениысь Анаит Адамян егит кырӟасьёслэн «Детская новая волна — 2017» калыккуспо конкурсазы вормизы. Вожвылъяськонлэн йылпумъян люкетэз 31-тӥ куартолэзьысен 1-тӥ инвожоозь «Артек» нылпи лагерьын ортчиз. Со сярысь ивортэмын конкурслэн мерлыко вотэсысь группаяз.

Таяз арын «Детская новая волна» вожвылъяськонэ Россиысь, Армениысь, Белоруссиысь, Босния но Герцеговинаысь, Германиысь, Израильысь, Латвиысь, Молдавиысь, Франциысь, Казахстанысь, Абхазиысь 13 пиналъёс пыриськизы.

Жюрилэн кивалтӥсез вал продюсер но крезьгурчи Игорь Крутой. Пиналъёслэсь кырӟамзэс озьы ик дунъязы Евгений Крылатов, Григорий Гладков, Лев Лещенко, Евгений Комбаров, Олег Газманов, Юлианна Караулова.

Вожвылъяськонлэсь йылпумъян люкетсэ 10-тӥ но 17-тӥ инвожое 20 часын НТВ телеканалын учкыны луоз.

ВАТСАН

Арина Петрова 5 аресысеныз кырӟаны дышетске, пӧртэм калыккуспо конкурсъёсын лауреатъёс пӧлы шедьылӥз но Гран-при басьтылӥз, «Голос. Дети» телепроектлэн полуфиналаз потӥз. Фортепианоен, гитараен, тамбуринэн шудэ, крезьгуръёс гожъя. Озьы ик суреданы, эктыны но киужъёс лэсьтыны яратэ. Солэн верамезъя, вожвылъяськонэ пыриськыны малпаз аслэсьтыз быгатонлыкъёссэ эскерон но мукет пиналъёсын тодматскон понна.


Наверх
Вниз