Ижкар+11 °C
18 -тӥ коньывуон 2021 Вордӥськон
18+

Удмурт эктонъёсты дышетӥзы Удмуртие калыккуспо гужем школае дышетскыны лыктэмъёс

  • 819
  • 0
Ижкар / Удмуртия
Удмурт эктонъёсты дышетӥзы Удмуртие калыккуспо гужем школае дышетскыны лыктэмъёс
Туспуктэм: Николай Кузнецов

Та нуналъёсы Удмурт кун университетын калыккуспо гужем школаос ужало. Удмурт но ӟуч кылъёсты дышетыны лыктэмъёс понна узыр программа дасямын. Кылъя курсъёс сяна, кунгож сьӧрысь вуэмъёс понна лекциос, экскурсиос, мастер-классъёс радъясько.

13-тӥ пӧсьтолэзе куноос удмурт эктонъёсын тодматскизы. Парен, тямысэн, урам эктонъёсты, шудонъёсты дышетӥзы «Чипчирган» ансамбльлэн хореографеныз Татьяна Тихоноваен ӵош. Арганэн но кубызэн шудӥз Алексей Кузнецов.

Европаысь кунъёсысь, США-ысь лыктэм муртъёс понна, уката ик егитъёслы, удмурт калык крезьгуръёс тунсыко потӥзы. Но гурзэ шедьтытэк, радзэ валатэк эктыны капчи ӧвӧл. Озьы ке но, ваньзы туж тыршизы — сураськылӥзы но выльысь кутскизы. Эктонъя урок кельшиз кадь. Дорамы бертӥмы ке, эшъёсмылы, семьяосмылы одно ик возьматомы шуизы. 

Кунгож сьӧрысь дышетскисьёс удмурт эктонъя мастер-классын


Тодэ вайытом, Удмурт кун университетысь Удмурт кылосбуръя, финно-угороведениея но журналистикая институтын удмурт кылэз дышетонъя калыккуспо гужем школа 10-тӥ пӧсьтолэзе усьтӥськиз. Курсъёсы вить адями вуиз. 



Наверх
Вниз