Ижкар+19 °C
14 -тӥ оштолэзь 2021 Вирнунал
18+

«ИжКРАСА-2017» чеберлыкъя вожвылъяськон ортчоз Удмуртиын толсуре

  • 705
  • 0
Ижкар / Удмуртия
«ИжКРАСА-2017» чеберлыкъя вожвылъяськон ортчоз Удмуртиын толсуре
Туспуктэм: ПРЕСС-СЛУЖБА ГЛАВЫ И ПРАВИТЕЛЬСТВА УДМУРТИИ

17-тӥ толсуре Ижкарысь ӟуч лулчеберетъя «Русский дом» центрын «ИжКРАСА-2017» конкурс ортчоз. Отчы пыриськыны мылкыд карисьёслэсь куриськонъёссэс 27-тӥ куарусёнозь кутозы. Со сярысь иворъёсъя «Удмуртия» агентстволы ивортӥз вожвылъяськонэз радъясь «Ижевск Мари» мер огазеяськонлэн кивалтӥсез Николай Ямаков.

Вожвылъяськонэ пӧртэм выжыысь 16-ысен 25 аресозь нылъёс пыриськыны быгато.

Отын луоз котькуд национальностьысь одӥг ныл. Соос пӧлын луоз сыӵе конкурс. Милям ужпуммы — мед тросгес адямиос тодысалзы, таӵе конкурс ортчыто шуыса. Милемлы шедьтын кулэ шергес пумиськылӥсь национальностьысь (нылъёсты — ред.), кудӥзлэн Калыкъёслэн эшъяськон юртазы мер огазеяськонзы но ӧвӧл
Николай Ямаков, «Ижевск Мари» мер огазеяськонлэн кивалтӥсез

Котькуд нылаш калыкезлэн аспӧртэмлыкеныз тодматоз, киужъёссэ возьматоз, йӧскалык сиён-юонъёсын утялтоз. Творчествоя конкурсын эктыны, кырӟаны, кылбур вераны, крезьгуро инструментъёсын шудыны яке мукет быгатонзэс шараялозы. Йӧскалык дӥськутсылэсь чеберлыксэ возьматозы «Дефиле» вожвылъяськонын. Со сяна, «Мон аслам калыкелэн нылыз» темая юанъёслы валэктон сётыса, ас выжызэс тодэмзэс но возьматоно луоз.

Нылъёслы тросгес балл утыны юрттозы дурбасьтӥсьёссы но, соослэн нимаз конкурссы луоз.

Вожвылъяськон кутскытозь, 10-тӥ коньывуонэ, нылашъёслы фотосессия радъялозы. Собере, 15-тӥ коньывуонысен кык толэзь ӵоже интернет пыр куара сётон мыноз.

Тужгес трос балл люкам нылаш «ИжКРАСА-2017» ним басьтоз. Со сяна, пӧртэм номинациосын вормисьёсты, вотэсын тужгес трос куара люкамъёсты пусъёзы.

Вожвылъяськонлэн куронъёсыныз тодматскыны луоз татын. Куриськонъёсты куто конкурслэн сайтаз но электрон почтая: yamakov@inbox.ru.

Ватсалом, «ИжКРАСА-2017» вожвылъяськонлэн проектэз мер ӵектосъёсъя кар конкурсын вормиз.



Наверх
Вниз