Ижкар-9 °C
6 -тӥ южтолэзь 2021 Кӧснунал
18+

Удмурт нылкышнолэн дуннеезлы сӥзем адӟытон усьтӥськоз Сарапулын 20-тӥ коньывуонэ

  • 431
  • 0
Сарапул / Удмуртия
Удмурт нылкышнолэн дуннеезлы сӥзем адӟытон усьтӥськоз Сарапулын 20-тӥ коньывуонэ
Туспуктэм: Григорий Фомин

20-тӥ коньывуонэ Сарапулысь Шор Прикамьелэн историезъя но лулчеберетэзъя музейын удмурт нылкышнолэн дуннеезлы сӥзем «Кышнопал» адӟытон усьтӥськоз. Купеч каре сое нуоз  Архитектурая но этнографияя «Лудорвай» музей-заповедник, вераз иворъёсъя «Удмуртия» агентстволы музейлэн кивалтӥсез Татьяна Шкляева.

Котькуд толэзе ми лэсьтӥськом пӧртэм аспӧртэмлыко выставка. <…> Котькытын нылкышнолэн аслаз дуннеез, аслаз улонэз. Нылкышноос ужало бере (музейын — ред.), соослэн асьсэлэсь дуннезэс возьматэмзы потӥз
Татьяна Шкляева

«Лудорвайлэн» кивалтӥсез верамъя, котькуд арлы быдэ соос 13 пала адӟытонъёс ортчыто, кыкез соос пӧлысь палэнын радъяське. Музейын ужасьёс кенешо, кытчы но кыӵе возьматонэн потозы. Куддыръя мукет музейёс асьсэос доры ӧтьыса вазисько. Сарапулэн «Лудорвай» кемалась ужа ни, соин ик та адӟытонэз поттыны соос ӵошен малпазы.

Фондъёсысь арбериосты эскерыса, музейысь ӧнерчиос «Лудорвайлэсь» узырлыксэ возьматӥсь тужгес тунсыко экспонатъёсты бырйизы но адӟытон кылдытӥзы. Палэнэ поттэм выставкалэн эшшо одӥг аспӧртэмлыкез вань на.

«Тазьы огъя учконо ке, милям туж трос дӥськутъёсын герӟаськем экспонатъёсмы. Тӥрлыкъёсты поттоно ке, соосты секытгес поттыны. Тани дӥськутэз сумкае умой тыриськод ке, висказ-висказ ӝикыт, соосты умой поттӥськод. Со басма, нош пияла посудаез, тӥрлыкъёсты кыӵе ке но уксё тӥрлыкъёсты — соосты огшоры гинэ уд потты ни», — валэктӥз Татьяна Шкляева.

Ватсалом,  архитектурая но этнографияя «Лудорвай» музей-заповедник «Кышнопал» адӟытонэн Сарапулэ нырысьсэ потэ.



Наверх
Вниз