Ижкар+11 °C
18 -тӥ коньывуон 2021 Вордӥськон
18+

Егитъёслы финн-угор ӝыт ортчоз Казаньын 26-тӥ толшоре

  • 651
  • 0
Казань / Россия
Егитъёслы финн-угор ӝыт ортчоз Казаньын 26-тӥ толшоре
Туспуктэм: Григорий Фомин

26-тӥ толшоре Казаньысь творчествоя «Маяковский» вӧлметын финн-угор ӝыт ортчоз. Со Татарстанын улӥсь финн-угор калыкъёслэн егитъёс понна нырысетӥез ӵошен лэсьтэм бадӟым ужрадзы луоз. Со сярысь ивортодэтъя «Удмуртия» агентстволы Бигерысь удмуртъёслэн автономизылэн быдэсъясь тӧроез Марина Иванова вераз.

Солэн кылъёсызъя, улосвылысь удмуртъёслэн, поръёслэн но мордваослэн мер огазеяськонъёссы таӵе ужрадэз ортчытыны кемалась мылкыд каро ни вал, малы ке шуоно финн-угор калыкъёс лыдзыя — 73 сюрс адями — Татарстанын куинетӥ интыын луо. Со ӧжыт ӧвӧл, пусйиз Иванова.

Соин Казань калыкез, Казань студенчествоез тодматоно финн-угор калыкъёсын, кыӵе сямъёссы вань, кыӵе али соослэн дырзы, шуом ни, али мар соос каро, вань-а соос, быремын-а соос, кыӵе ужрадъёс (ортчытъяло — ред.)
Марина Иванова

Ӝытын нырысь ик огъя финн-угор выжыен тодматозы, собере котькудӥз калык нимысьтыз ассэ возьматоз. Радъясьёс таӵе ужрадэн бордазы егитъёсты кыскыны оско.

Тодэ вайытом, кылем арын коньывуонэ Татарстанысь Челныын (Набережные Челны) финн-угор калыкъёслэн фестивальзы ортчиз. Отчы Удмуртиысь «Брангуртысь песянайёсты» ӧтчазы



Наверх
Вниз