Ижкар+11 °C
18 -тӥ коньывуон 2021 Вордӥськон
18+

«Пельнянь мастерскойёс» ортчозы Ижкарын «Пельняньлэн дунневыл нуналэз» улсын

  • 700
  • 0
Ижкар / Удмуртия
«Пельнянь мастерскойёс» ортчозы Ижкарын «Пельняньлэн дунневыл нуналэз» улсын
Туспуктэм: Григорий Фомин

«Пельняньлэн дунневыл нуналэз» фестиваль улсын 1–9 тулыспалэ Ижкарын нырысьсэ радъяськозы «Пельнянь мастерскойёс». Отчы вань мылкыд карисьёс пыриськыны быгатозы, ивортэ фестивальлэн пресс-службаез. 

«Пельнянь мастерскойёс» творческой пумиськонъёсты но мастер-классъёсты огазеяло. Та ужрад улсын пӧртэм арлыдо адямиос асьсэлы кельшымон ӧр шедьтозы: удысазы устоосыныз ӧнерчиосын пумиськозы, выль тодон-валанъёс но быгатонъёс басьтозы, семьяенызы но эшъёсынызы ӵош дырзэс тунсыко ортчытозы, верамын ивортонын.

«Пельнянь мастерскойёслэн» программазы:

  • 1-тӥ тулыспалэ — «Пельнянь синпельёс»: 18:30 Кузебай Герд нимо йӧскалык музейын (Коммунаръёслэн урамзы, 287), музейысь тодосъя ӧнерчи Надежда Кузнецова но суредась-реставратор Анна Строк ас киын пельнянь синпельёс лэсьтыны дышетозы. 
  • 3-тӥ тулыспалэ — «Пельнянь диета»: 12:00-15:00 спортъя «Платформа» клубын (9-тӥ Толшор урам, 219а), шонер сиськыны но мугорзэс доразы кыдатыны мылкыд карисьёслы мастерской. Отын фитнес-инструктор Алёна Тарасова но эмчи-диетолог Анна Харитонова Зумба эктонъя но шонер сиськонъя мастер-классъёс ортчытозы.
  • 3-тӥ тулыспалэ — «Выжыкыл пельнянь»: 14:00 Суредан искусствоосъя музейын (Киров нимо урам, 128), пиналъёслы но анай-атайёслы мастерской. Удмурт гожъясь Владимир Котков выжыкылъёс но кылбуръёс лыдӟоз, нош суредась Вячеслав Михайлов пиналъёслы тужгес кельшем выжыкыллы суредъёс лэсьтыны юрттоз.
  • 4-тӥ тулыспалэ — «Удмурт лулчеберет»: «Сёма» центрын (К. Маркс нимо урам, 395) одӥг аресысен пиналъёслы шудонъёс но мастер-классъёс. 2-4 аресъем пиналъёслы 11 часысен 12 часозь, 6-9 аресъемъёслы 13 час 30 минутысен 14 часозь, 10 аресын пиналъёслы 14 час 30 минутысен 16 часозь. Крезьгуръя арбериос, шудонъёс, творчество но театр пыр нылпиос удмурт лулчеберетэн тодматскозы. Мастерскойёсты ортчытозы «Нуныкай» центрысь ӧнерчиос: Ольга Перевозчикова, Елена Фролова, Вера Дубовцева, Любовь Михайлова. 
  • 8-тӥ тулыспалэ — «Визь пуйы» визьбур шудон: 19:30 «Welten» ресторан (Пушкинской урам, 130а) пельнянь кутон сямъёслы, удмурт кыллы, пельнянен герӟаськем тунсыко учыръёслы сӥзем «Что? Где? Когда?» амалъя шудон. Мастерскоез ортчытозы Ижкарын «Мозгобойня» шудонъёсты радъясьёс Максим Шутов но Рэм Медянский.
Ватсалом, котькуд мастерское вань мылкыд карисьёс дунтэк пыриськыны быгато. Но азьвыл одно ик фестивальлэн сайтаз пусйиськыны кулэ. 

Тодэ вайытом, «Пельняньлэн дунневыл нуналэз» туэ Ижкарысь Шор площадьын, Калыкъёслэн эшъяськонзылы сӥзем синпелет дорын но Иж тыметлэн ярдураз ортчоз. 10-тӥ тулыспалэ Шор площадьын «ТАУ» калык музей усьтӥськоз



Наверх
Вниз