«Удмурт шумовка» кубок понна вожвылъяськозы «Пельняньлэн дунневыл нуналаз»

«Удмурт шумовка» кубок понна шудонъёсы пыриськыны пусйиськон кутскиз. Кузьым понна вожвылъяськон «Огъяросси пельнянь шудонъёс 2018» улсын ортчоз, ивортэ «Пельняньлэн дунневыл нуналэз» фестивальлэн пресс-службаез.

Ӵошатсконъёс 10-тӥ тулыспалэ Иж тыметлэн ярдураз ортчозы. Радлыкез таяз арын воштӥськоз, соин ик пыриськисьёсты выль амалъёс возьмало:

• «Пельнянь-шудон» — пельняньлы укшась тупъёсты пыдэстэм миска куян;
• «Ижкар шумовка» — пельнянь-снарядъёсты шумовка-мишене куяса бызьылон;
• «Пельнянькей» — пельнянь тупъёсын шудон, соосты вилкалы яке пельнянь октонлы укшась клюшкаен миска-капкае пыртоно;
• «Пельнянь эстфета» — могӟетъёс пыр тросгес кынтэм пельнянен ортчон;
• «Кут пельнянез» — бадӟым мискаысь бадӟым шумовкаен тужгес трос пельнянь кутон.

Озьы ик кылем аръёсысь шудонъёс, но луозы, кылсярысь, «Пельняньтон».

Ӵошатсконъёсы куинь адямилэсь семьяос-командаос пыриськыны быгато (анай, атай но нылпи). Ужрадэ Россилэн мукет улосвылъёсысьтыз но куноосты ӧтё.

Пусйиськыны луэ фестивальлэн сайтаз. Тодэ вайытом, «Пельняньлэн дунневыл нуналэз» куинь интыын радъяськоз: Шор площадьын, тыметлэн ярдураз но Калыкъёслэн эшъяськонзылы сӥзем синпелет дорын.