Ижкар+9 °C
16 -тӥ куарусён 2021 Покчиарня
18+

Музей сярысь анай кылын видеоверанъёс гожтыны ӵектэ «Лудорвай» заповедник

  • 1294
  • 0
Лудорвай / Удмуртия
Музей сярысь анай кылын видеоверанъёс гожтыны ӵектэ «Лудорвай» заповедник
Туспуктэм: Григорий Фомин

«Лудорвай» музей-заповедник Анай кыллэн нуналэзлы сӥзем акция ялӥз. Отчы пыриськыны мылкыд карисьёс музей сярысь мылкыдъёсынызы видео лэзьыны кулэ. Со сярысь ивортодэтъя «Удмуртия» агентстволы вераз акцилы кичӧлтон сётӥсь, музейысь тодосъя ӧнерчи Анастасия Иванова.

Отын валтӥсез курон — со кулэ луыны анай кылын. Бигер-а тон, пор-а тон, удмурт-а, вераськод аслад кылыныд музей сярысь котьмар — ку вал, марлы ветлӥды (экскурсие яке кыӵе ке ужрадэ), маиз кельшиз, маиз ӧз кельшы, маиз тужгес но тодэ кылиз. <…> Собере пумаз ӟуч кылын вакчи гинэ берыктон яке субтитръёсын яра
Анастасия Иванова, «Лудорвай» музейысь тодосъя ӧнерчи

Видеоужъёсты южтолэзь пумозь музейлэн электрон почтаяз келяно: ludorvay@mail.ru. Вуэмзыя соосты ужъюртлэн «ВКонтакте» вотэсысь огинлыказ интыялозы.

Анастасия Ивановалэн верамезъя, ваньмызлы акцие пыриськисьёслы «Лудорвай» музейлэн кыӵе ке но ужрадаз билетъёс кузьмалозы.

Ватсалом, Анай кыллэн калыккуспо нуналэз быдэс дуннеын 21-тӥ тулыспалэ пусйиське. 



Наверх
Вниз