Ижкар+19 °C
14 -тӥ оштолэзь 2021 Вирнунал
18+

Чеберлыко киужъёсын «Куиськон крезь» адӟытон усьтӥськиз Ижкарын

  • 723
  • 0
Ижкар / Удмуртия
Чеберлыко киужъёсын «Куиськон крезь» адӟытон усьтӥськиз Ижкарын
Туспуктэм: vk.com (Национальный центр ДПИ и ремесел г. Ижевск)

Туннэ, 1-тӥ южтолэзе, Ижкарысь Кузебай Герд нимо йӧскалык музейын куэм шобретъёсын «Куиськон крезь» адӟытон усьтӥськиз. Отын Удмуртиысь пӧртэм куиськон амалъёсъя 29 ковёръёс возьматэмын. Соос Йӧскалык музейлэн ӧнерчиосныз кылдытэм вашкала удмурт юртлэн пуштросаз интыямын, ивортэ Кузебай Герд нимо музейлэн пресс-службаез.

Озьы ик адӟытонын Йӧскалык музейлэн фондъёсысьтыз гынэз но етӥнэз дасянъя арбериос, кубоос, куиськон станоклэн детальёсыз возьматэмын
Кузебай Герд нимо йӧскалык музейлэн пресс-службаез

Кызьы шуэмын ивортонын, та адӟытон Чеберлыко киужъёсъя элькун центрлэн но ёрос юртъёслэн «Ковры Удмуртии» ӵектос улсын ужзылы йылпумъян луиз. Проектлэн ужпумез – удмурт куиськонэз улӟытон. Сое быдэстон понна пыриськисьёс шаертодонъя муниципал музейёслэсь, Удмуртиысь Суредаськон искусствоя элькун музейлэсь но Кузебай Герд нимо йӧскалык музейлэсь фондъёссэ эскеризы.

Ӵектосэз быдэстон улсын пыриськисьёс <…> этнографияя экспедицие ветлӥзы, куиськон амалъёсын тодматскизы
Кузебай Герд нимо йӧскалык музейлэн пресс-службаез

Чеберлыко киужъёсъя йӧскалык центрлэн адӟытонэз Кузебай Герд нимо музейын 25-тӥ южтолэзёзь ужалоз.

Тодэ вайытом, матысь дыре Чеберлыко киужъёсъя элькун центрлэн синпельёсыныз «Лэсьтэмын Удмуртиын» интерактивной каталог кылдытозы.



Наверх
Вниз