Ижкар-24 °C
6 -тӥ толсур 2021 Вордӥськон
18+

Калык творчествоя «Россилэн зарни арганэз» элькун вожвылъяськон-фестиваль ортчоз Глазкарын

  • 576
  • 0
Глазкар / Удмуртия
Калык творчествоя «Россилэн зарни арганэз» элькун вожвылъяськон-фестиваль ортчоз Глазкарын
Туспуктэм: Михаил Шустов

10-тӥ южтолэзе Глазкарысь «Россия» лулчеберет центрын калык творчествоя «Россилэн зарни арганэз — 2018» нырысетӥ элькун вожвылъяськон-фестиваль ортчоз, ивортэ ужъюртлэн пресс-службаез.

Радъясьёс Удмуртилэн вань каръёсысьтыз но ёросъёсысьтыз 255-лэсь трос пыриськисьёсты возьмало. Учкисьёс ӟуч, бигер, удмурт, чуваш гуръёсты кылыны быгатозы.

Вормисьёсты таӵе ӧръёсъя быръёзы: тунсыкъяськись арганчи, удысужлыко арганчи, арганчиослэн ансамбльзы, задор такмак, озьы ик жюрилэн нимысьтыз кузьымез луоз шуыса чакламын. Нош вожвылъяськонлэн валтӥсь кузьымез луоз арган.

Вожвылъяськон-фестиваль Глазкарын 25 арлэсь кема ортчытъяське ни. Котькуд ар отчы Глазкарысь, Глаз, Яр, Юкаменск, Красногорск, Эгра, Балезино ёросъёсысь устоосыз арганчиос люкасько. Туэ нырысьсэ фестиваль элькун инлыкен ортчоз.



Наверх
Вниз