Ижкар+22 °C
11 -тӥ пӧсьтолэзь 2020 Кӧснунал
16+

Быдӟым нуналлы сӥзем ӝыт радъяськоз Ижкарын 5-тӥ южтолэзе

  • 488
  • 0
Ижкар / Удмуртия
Быдӟым нуналлы сӥзем ӝыт радъяськоз Ижкарын 5-тӥ южтолэзе
Туспуктэм: Калык творчествоя элькун юрт

5-тӥ оштолэзе Ижкарысь Калык творчествоя элькун юртын Быдӟым нуналлы сӥзем ӝыт радъяськоз. Пыриськисьёслы «Быдӟым нунал» фильмез возьматозы но курегпуз буянъя «Пасхальная писанка» мастер-класс ортчытозы. Со сярысь ужъюртлэн пресс-службаез ивортэ.

«Быдӟым нунал» фильмын удмуртъёслэн одӥгеныз гажано праздникенызы герӟаськем аспӧртэмлыкъёс возьматэмын: курегпузъёсты буян но соосты гурезьысь питыръян, шудонъёс, кырӟанъёс, сиён-юонъёс но мукет
Калык творчествоя элькун юртлэн пресс-службаез

Кызьы шуэмын ивортонын, фильмлы валэктонъёс сётоз фольклорист но кылосбур тодосъя доктор Галина Глухова.

Кино учкем бере вань мылкыд карисьёс курегпуз буянъя мастер-классэ пыриськыны быгатозы.

Писанкаос — со сюсен чеберъям но пӧртэм буёлъёсы буям курегпузъёс. <…> Мастер-классэ пыриськисьёс ас киынызы быгатозы лэсьтыны Быдӟым нуналлэсь символзэ — аспӧртэмлыко, авторской Быдӟым нунал курегпуз, кудзэ эшъёслы но ӵыжы-выжыослы кузьманы луоз
Калык творчествоя элькун юртлэн пресс-службаез



Наверх
Вниз