Ижкар+1 °C
13 -тӥ оштолэзь 2021 Пуксён
18+

Куинь данъет басьтӥзы Удмуртиысь артистъёс фехтованиея «Азвесь шпага» вожвылъяськонын

  • 693
  • 0
Москва / Россия
Куинь данъет басьтӥзы Удмуртиысь артистъёс фехтованиея «Азвесь шпага» вожвылъяськонын
Туспуктэм: vk.com (Международный фестиваль СЕРЕБРЯНАЯ ШПАГА)

Удмуртиысь кун йӧскалык театрысь артистъёс — Роман Болтачев, Максим Григорьев, Вадим Дмитриев но Иван Плотников — сцена вылын фехтованиея «Азвесь шпага» («Серебряная шпага») IX калыккуспо фестивальын куинь данъет басьтӥзы. Со сярысь пиос иворто творчествоя «Удмурт данлык» огазеяськонзылэн «ВКонтакте» вотэсысь группаяз.

Азвесь шпага» калыккуспо фестивальлэн куинь номинациях вормон. Учкисьёслэн кузьымзы, жюрилэн ёзчиезлэн Игорь Кристофлэн кузьымез (соин лэсьтэм кык шпага), Британиысь сцена вылын нюръяськонъя академилэн кузьымез (дышетскыны сертификат)
«Удмурт данлык» огазеяськон

«Мар ми шӧдӥськомы, кылъёсын уд вера. Ваньзэ, мае ми чидамы, но кыӵе мылкыдъёсты шӧдӥмы, одӥг спектакльын, но уд шуды», — гожтэ «ВКонтакте» вотэсысь бамаз Вадим Дмитриев.


Удмурт театрысь артистъёс вожвылъяськонын «Воштӥськон» удмурт кылын номер возьматӥзы.

«Воштӥськон» «Азвесь шпага» вожвылъяськонын


Сцена вылын фехтованиея «Азвесь шпага» калыккуспо вожвылъяськон Москваын 19–20 оштолэзе ортчиз. Конкурсын 25 номер возьматӥзы. Кузьымъёс понна Москваысь, Санкт-Петербургысь, Владикавказысь, Воронежысь, Ижкарысь, Пермьысь, Челябинскысь, Ярославльысь, озьы ик Белоруссиысь, Казахстанысь, Монголиысь но Польшаысь 92 пыриськисьёс нюръяськизы.

Тодэ вайытом, кылем арын ортчем вожвылъяськонын Удмуртиысь артистъёс фестивальлэн президентэзлэсь Айдар Закировлэсь кузьымзэ утӥзы.



Наверх
Вниз