Ижкар-5 °C
1 -тӥ толсур 2020 Пуксён
18+

«Коштан пешникез» быръёзы Кезын «Pest-Fest» элькун фестивальын

  • 591
  • 0
Кез / Удмуртия
«Коштан пешникез» быръёзы Кезын «Pest-Fest» элькун фестивальын
Туспуктэм: minkultura.udmurt.ru

19-тӥ куартолэзе Удмуртиысь Кез каргуртын Лулчеберетъя юрт азьын «Pest-Fest» элькун фестиваль ортчоз. «Пельняньлэн дунневыл нуналэз» фестиваль улсын радъяськись ужрадын пӧртэм возьматонъёс, мастер-классъёс, вожвылъяськонъёс радъяськозы, ивортэ улосвылысь Калыкъёслэн эшъяськон юртсылэн пресс-службаез.

Фестивальлэн ужпумез – удмурт калыклэсь кылзэс, лулчеберетсэ, сям-йылолъёссэ утён но азинтон.

Таяз арын фестивальын уйпал удмуртъёслэн сиён-юонэнызы тодматскыны луоз – пешникен пельнянь, чырс, пешникен перепеч но мукет.

Ужрад улсын арганчиослэн но такмакъёсты быдэстӥсьёслэн вожвылъяськонзы, пешниклы укшась устозэ дӥськутэз быръёнъя «Коштан пешник» конкурс радъяськозы.

«Pest-Fest» удмурт эстрадаысь егит кизилиослэн кырӟамзы улсын эктонэн йылпумъяськоз.

Праздниклэн ужанрадлыкез:

9:30-10:30 – куноосты пумитан;

10:00-15:00 – чеберлыко киужъёсын адӟытон-вузкарон; пельнянен, сиён-юонъёсын вузкарон;

11:00-12:00 – фестивалез усьтон, солэн инъетаз пешник бичан йылол луоз;

12:15-16:00 – Удмуртиысь ёросъёсысь творчествоя удмурт коллективъёслэн возьматонъёссы но пӧртэм площадкаослэн ужанзы

  •  нылпиослы шудонъёс 
  •  бард кырӟанъя площадка, мылкыд карисьёс 2-3 кырӟан быдэстозы 
  •  уйпал удмуртъёслэсь сиёнъёссэс пӧранъя мастер-классъёс 
  •  арганчиослэн но такмакъёсты быдэстӥсьёслэн вожвылъяськонзы 
  •  пешниклы укшась устозэ дӥськутэз быръёнъя «Коштан пешник» вожвылъяськон 

19:00-22:00 – удмурт эстрадаысь коллективъёслэн кырӟанъёсты быдэстэмзы улсын эктон-вожвылъяськон программа. 



Наверх
Вниз