100 лет государственности Удмуртии
Ижкар+6 °C
31 -тӥ южтолэзь 2020 Пуксён
16+

70 пала книгаос возьматоз Москваын «Удмуртия» издательство

  • 465
  • 0
Москва / Россия
70 пала книгаос возьматоз Москваын «Удмуртия» издательство
Туспуктэм: vk.com (Удмуртия Книжное-Издательство)

31-тӥ куартолэзьысен 3ӥ инвожоозь Москваын радъяськись книгаосъя «Красная площадь» ньылетӥ фестивале «Удмуртия» издательство 70 пала книгаосын пыриськоз. Соос пӧлысь ог 20-ез удмурт кылын гожтэмын, вераз ивортодэтъя «Удмуртия» агентстволы издательстволэн кивалтӥсез Юрий Кузнецов.

Удмурт кылын книгаос одно ик луозы, малы ке шуоно милям кураторъёсмы — Россиысь книга поттӥсьёслэн огазеяськонзы — милесьтым нимысьтыз списокен ик куре, кыӵе тӥ удмурт книгаос нуиськоды шуыса. Соин ик мар милям ар ӵоже потӥз, кылем арын мар потӥз, ми соосты одно ик нуиськомы
Юрий Кузнецов, «Удмуртия» издательстволэн кивалтӥсез

Солэн кылъёсызъя, фестивале пыриськись удмурт кылын книгаос пӧлын «Жингрес удмурт кырӟан» бичет, «Сяла курег» выжыкыл, «Марым, лэся…» дышетон книга, Виталий Агбаевлэн повестьёсыныз но веросъёсыныз «Чечыен тэркы» книга. Со сяна, Москвае келямын ни выль книгаос: Владимир Владыкинлэн «Религиозно-мифологическая картина мира удмуртов» но Михаил Атамановлэн «Происхождение удмуртского народа» монографиоссы, Евгений Шумиловлэн «История Ижевска» но Рудольф Мининлэн «Фрол Козлов. Имя у Кремлёвской стены» книгаоссы но мукетыз.

Пусъём, «Красная площадь» фестиваль улсын арлы быдэ «Россиысь устоосыз книгаос» но «Малая Родина» вожвылъяськонъёс радъясько. Кылсярысь, кылем арын «Удмуртия» издательстволэсь куинь книгазэ вылӥ дунъязы. Элькунын поттэм книгаос конкурсъёсы туэ но пырисько, шуиз Юрий Кузнецов.

«Удмуртия» издательстволэн кивалтӥсез пусйиз, «Красная площадь» фестиваль книга поттӥсьёс понна одӥгез валтӥсь ужрад луэ шуыса. Татчы тӧрлыкъёс но пыриськыны тыршо, соос пӧлын Россилэн азьмуртэз Владимир Путин но кун кивалтэтлэн тӧроез Дмитрий Медведев.

Удмуртия йӧскалык улосвыл бере, милемыз нимысьтыз ӧтьыны туртто, малы ке шуоно, кылсярысь, возьыт ӧвӧл милемлы но, радъясьёслы но милям книгаосмы понна. Собере ми кадьёс бордын возьматӥське Россилэн аспӧртэмлыкез, колоритэз-а, мар-а, шуом. <...> Со калыкен тодматон луэ
Юрий Кузнецов, «Удмуртия» издательстволэн кивалтӥсез

Тодэ вайытом, «Красная площадь» фестивале «Удмуртия» книгапоттонни туэ куинетӥзэ пыриськоз ни. Ӵапак асьме издательство ужрадын выль мода поттӥз — йӧскалык дӥсьёсын нырысетӥ лыктӥз. Табере радъясьёс куремен мукет йӧскалык улосвылъёс но, Удмуртилэсь адӟем карыса, аспӧртэмлыксэс калык дӥськут пыр возьмато.



Наверх
Вниз