Ижкар-12 °C
7 -тӥ южтолэзь 2021 Воскресенье
18+

Удмуртъёс сярысь книга улосвылъёсысь издательствоосын поттэм тужгес тунсыко ужъёс пӧлы шедиз

  • 536
  • 0
Москва / Удмуртия
Удмуртъёс сярысь книга улосвылъёсысь издательствоосын поттэм тужгес тунсыко ужъёс пӧлы шедиз
Туспуктэм: Григорий Фомин

«Красная площадь» книга фестиваль азьын «ГодЛитературы. РФ» портал Россиысь книга поттӥсьёслэн ассоциацизы юрттэмен кӧня ке тунсыко выль книгаосты пусйиз, кудъёссэ улосвылъёсысь издательствоос Москвае ваёзы. Соос пӧлын «Удмуртия» издательстволэн 2017-тӥ арын поттэм «Удмурты: от Вятки до Камы» книгаез.

Троссэ та книгаосты шоркарысь вузкаронниосысь туж секыт (яке уз но луы) шедьтыны. Соин ик соосты «Горд площадьысь» утчаны ӵектӥськомы. Озьы ик валаны: книгаосты Москваын но Петербургын гинэ уг потто
«ГодЛитературы. РФ» портал

Тодэ вайытом, «Удмурты: от Вятки до Камы» книгае удмуртъёс, соослэн улон-вылонзы сярысь пӧртэм аръёсы потэм статьяос люкамын. Бичетэз дасяз издательстволэн валтӥсь редакторез Георгий Грязев.

31-тӥ куартолэзьысен 1-тӥ инвожоозь Москваын радъяськись «Красная площадь» книга фестивале «Удмуртия» издательство 70 пала книгаосыныз пыриськоз.

Нялтас вераса, куартолэзе издательство огдыре 9 выль книга поттӥз. Со пӧлын тодосъя, пиналъёслы но бадӟымъёслы чеберлыко литература.



Наверх
Вниз