Ижкар+12 °C
10 -тӥ куартолэзь 2021 Вордӥськон
18+

Анастасия Шумилова «Ку» нимо выль бичетэз сярысь: берло дыре мон куэным ваньзэ шӧдӥ

  • 793
  • 0
Ижкар / Удмуртия
Анастасия Шумилова «Ку» нимо выль бичетэз сярысь: берло дыре мон куэным ваньзэ шӧдӥ

6-тӥ инвожое 18 часын Ижкарын Dj`s Bar клубын удмурт кылбурчилэн Анастасия Шумиловалэн «Ку» нимо кыкетӥ бичетэныз тодматскон ортчоз. Кызьы вераз Анастасия Шумилова ивортодэтъя «Удмуртия» агентстволэн корреспондентэзлы, бичетэзлэн нимыз солэн берло дырысь шӧдонъёсыныз герӟаськемын.

Мыным берло дыре тунсыко, кызьы адями дуннеез шӧдэ, эскере валатэк. Куке пичи дыръяз яке куке асьмемыз мылкыдъёс сокем басьто, йыр уг ужа ни, просто асьмеос куэн шӧдӥськом со дуннеез. Огласянь мынам сыӵе улонэ вал берло дыре, что мон ӵапак куэн-а, мар-а, куэ пыӵатыса ваньзэ шӧдӥ
Анастасия Шумилова, удмурт кылбурчи

Автор верамъя, выль бичетэ ог кык ар ӵоже гожтэм кылбуръёсыз пыризы. Соос кема дыр ӵоже кылдытэмын бере, пуштроссы но пӧртэм. Озьы ке но, Анастасия Шумилова ужъёссэ радъяны тыршиз.

Радъяны тырши, мед соос оглом роман кадь лыдӟиськозы шуыса. Одӥг кылбур бордысь мукетыз потэ, мукет текст эшшо одӥгеныз герӟаськемын. Развитие мед шӧдӥськоз. Тани романын вань сюжет, та кылбур (бичетын — ред.) сюжетэз ӧвӧл. Писпулэн вань ук мугорыз, вайёс отысь пото. Соос (кылбуръёс — ред.) кызьы ке но озьы ик, мыным потэ
Анастасия Шумилова, удмурт кылбурчи

Инкуазь темаез азьланьтыса, гожъяськись пусйиз, «Ку» бичетэ пырем кылбуръёсысьтыз образъёсыз будосэн герӟаськемын шуыса. Кылсярысь, удмурт кылэз кылбурчи ӵапак будосэн ӵошатэ.

«Ку» бичетэн тодматсконын «луозы кылбуръёс, крезьгур, dj сет», гожтэ кылбурчи «ВКонтакте» вотэсбамаз.

Тодэ вайытом, Анастасия Шумиловалэн «Дыр — эктон» нимо нырысетӥ бичетысьтыз кылбуръёсыз Россиысь калыкъёслэн кылбуретсылы сӥзем антологие шедизы. Та бичетсэ ик Эстониысь Ӵыжы-выжы калыкъёслэн программаенызы кылдытэм литературая премиен пусйизы. Со сяна, Шумиловалэн ужъёсыз Удмуртиысь туала кылбурчиослэн «Поэт Up» бичетазы пыризы.



Наверх
Вниз