Ижкар+1 °C
13 -тӥ оштолэзь 2021 Пуксён
18+

Эктонъя калыккуспо лагерь ортчытон понна «Удмурт Кенешлэн» ӵектосэз азьмуртлэсь грантсэ утӥз

  • 498
  • 0
Москва / Россия
Эктонъя калыккуспо лагерь ортчытон понна «Удмурт Кенешлэн» ӵектосэз азьмуртлэсь грантсэ утӥз
Туспуктэм: Никита Иванов

«Удмурт Кенеш» огазеяськонлэн финн-угор дуннеысь нылпиос но егитъёс понна эктонъя «Мост» калыккуспо лагерь ортчытонъя ӵектосэз Азьмуртлэн грантъёсызъя фондлэн вожвылъяськоназ вормисьёс пӧлы шедиз. Кичӧлтонэз улонэ пыӵатон понна Фонд 2 миллион 60 сюрс манет висъялоз. Со сярысь Фондлэн нимлыко сайтаз ивортэмын.

Пиналъёслэсь творчествоя быгатонлыкъёссэс азинтон, егитъёсты лулчеберетъя кылёсбурез утёнэ кыскон вылысь калыккуспо лагерез ортчытонлэн кичӧлтӥсез луиз калык эктонъя «Чебеляй» студилэн кивалтӥсез Наталья Чиркова.

Чакланъёсъя, лагерь улсын калык эктонэз утён, эскерон но вӧлмытон ужпумъёсъя кенешонъёс, мастер-классъёс, эктонъёсты дышетонъёс радъяськозы. Ӵектосэ Удмуртиысь, Приволжск федерал округысь улосвылъёсысь, Эстониысь но Румыниысь 100 пала эктӥсьёс пыриськозы.

Азьмуртлэн грантъёсызъя фондлэн 2018-тӥ ар понна нырысетӥ вожвылъяськоназ быдэс Россиысь 9 сюрслэсь трос ӵектонъёс вуизы. Коньдонэн юрттэт басьтозы 1 сюрс 550 палаез, со пӧлын Удмуртиысь 29 ӵектосъёс. Кыкетӥяз конкурсэ куриськонъёсты кутыны кутскозы 16-тӥ пӧсьтолэзе.

Пусъёмы, вожвылъяськонэ кивалтэтэн герӟаськымтэ коммерци луисьтэм огазеяськонъёс гинэ пыриськыны быгато. 



Наверх
Вниз