Ижкар+11 °C
18 -тӥ коньывуон 2021 Вордӥськон
18+

«Удмурт дэремлэн арняез» кутскиз Ува ёросын элькун Герберлы дасяськон улсын

  • 575
  • 0
Ижкар / Удмуртия
«Удмурт дэремлэн арняез» кутскиз Ува ёросын элькун Герберлы дасяськон улсын
Туспуктэм: Григорий Фомин

Туннэ, 4-тӥ инвожое, Ува ёросын «Удмурт дэремлэн арняез» кутскиз. Удмуртлыклы сӥзем ужрад ёросын «Гербер» элькун шулдыръяськонлы дасяськон улсын ортче. Со сярысь ивортодэтъя «Удмуртия» агентстволы «Удмурт Кенеш» огазеяськонлэн Ува ёросысь ёзэтэзлэн кивалтӥсез Геннадий Сидоров вераз.

Туэ Ува ёрос Герберез пумита, «Гербер» праздникез радъя. Кыӵе ке но импульс сётыны, мед калык дасяськоз ни. Праздник азьын шулдыр мылкыдзы мед луоз. <…> И медам вунэтэ соос, Удмуртиын уло шуыса. Мед пичи пиналъёс адӟозы, преемственность мед кылдоз
Геннадий Сидоров, «Удмурт Кенеш» огазеяськонлэн Ува ёросысь ёзэтэзлэн кивалтӥсез

Солэн кылъёсызъя, ужрад «Удмурт дэремлэн арняез» шуыса ялэмын ке но, мылкыд карисьёс йӧскалык дӥсен пырак Герберозь ветлыны быгато. Удмуртлыкез пыӵатон сяна, та акци ёросысь Чеберлыко киужъёсъя юртлы но пайдаё луоз. Ужрадэ пыриськыны малпасьёс йӧскалык дэрем вурыны куронъёсын кибашлыос доры вазиськозы.

«Удмурт дэремлэн арняез» понна дурбасьтыса, ачиз Геннадий Сидоров туннэ горд кечато дэремен ужаны потӥз, нош мукет адямиез йӧскалык дӥсен ӧз адӟы на. Ӟучомем ёросын таӵе ужрад секытгес ортчытыны, озьы ке но, пумен «удмурт калык сайкалоз», лыдъя Уваысь «Удмурт Кенешлэн» кивалтӥсез. 

Ватсалом, удмурт йӧскалык дӥсьлы сӥзем ужрад Ува ёросын туэ нырысетӥзэ радъяське. Азьланяз но сое ортчытъяса, «глобализацилы пумитъяськыны» чаклало, шуиз Геннадий Сидоров.

Тодэ вайытом, таяз арын элькун Гербер 16-тӥ инвожое Ува ёросысь Пекшур гурт вӧзын ортчоз.



Наверх
Вниз