100 лет государственности Удмуртии
Ижкар+3 °C
30 -тӥ южтолэзь 2020 Вордӥськон
16+

Эктон луд, батыр шудонъёс, кырӟан бусы: Ува ёросын элькун Гербер шулдыръяськонэ витё

  • 533
  • 0
Пекшур / Удмуртия
Эктон луд, батыр шудонъёс, кырӟан бусы: Ува ёросын элькун Гербер шулдыръяськонэ витё
Туспуктэм: Алёна Селезнёва

16-тӥ инвожое Ува ёросысь Пекшур гурт вӧзын Гербер элькун шулдыръяськон ортчоз. Куноос понна трос ужрадъёс чакламын — котькудӥз удмурт калыклэн лулчеберетэныз тодматскыны быгатоз, ивортэ Удмуртиысь йӧскалык политикая министерстволэн пресс-службаез.

Гербер — йӧскалык удмурт праздник, революцилэсь азьвыл сое тулыс (кизён ужъёс йылпумъяськем бере) яке гужем (турнан кутсконозь) пусйылӥзы. 1992-тӥ арысен Гербер элькун праздник луиз, нощ 2015-тӥ арысен Москваын но радъяське. Таяз арын шулдыръяськонлэн валтӥсь темаез — воршудъёс, тодметпусэз — Герберсяська.

Фестивалез тодмо артистъёслэн возьматонъёсынызы театр шоу усьтоз.

Вань мылкыд карисьёс праздниклэн творчествоя площадкаосаз пыриськыны быгатозы. «Усточикарын» элькунысь чеберлыко киужъёсъя юртъёсысь кибашлыос устооссэ ужъёссэ возьматозы. Праздникын нимысьтыз инты басьтэ «Мудор» площадка — отын ӝукез вӧсялозы. Йӧскалык сиён-юонъёсты веръяны но пӧртэм ёросъёсын но улосвылъёсын улӥсь удмуртъёслэн лулчеберетэнызы тодматскыны луоз куно пумитан азбаръёсын.

«Эктон лудын» удмурт но финн-угор эктонъёслы дышетозы. Валтӥсь сцена вылын, праздникез сӥё-дано усьтэм бере, «Жингрес возьвыл» концерт кутскоз. Пиналъёсты «Шудон азбарын» возьмалозы, отын вашкала шудонъёсын тодматскыны луоз.

Дышем сямъя, праздникын воргоронъёс «Батыр шудонъёсын» кужымзэс мертаны быгатозы. Нош муниципал кивалтэтъёслэн кивалтӥсьёссы веник керттонын быгатонлыкъёссэс возьматозы.

Ӝытазе егитъёс понна «Шундэктон» площадка усьтӥськоз. Отын пӧртэм ӧръёсын (поп, фолк, рэп, битбокс) удмурт кылын кырӟанъёс, электрон крезьгур но удмурт диджейёслэн эктон миксъёссы чузъяськозы.

Гербер шулдыръяськонлэн радлыкез:

09:30—10:30 — куно пумитан;

10:00—16:00 — чеберлыко киужъёсъя юртъёслэн ужъёсынызы адӟытон-вузкарон («Усточикар»), сиён-юонэз вузкарон, кафеослэн ужанзы («Вузкаронни»);

11:00—12:00 — валтӥсь сцена вылын «Гербер» праздникез сӥё-дано усьтон («Тӧршор»);

11:30—13:00 — ӝукез вӧсян («Мудор»);

12:15—15:00 — куно пумитан азбаръёсын нуназеян («Кунокуа»), куно пумитан азбаръёс азьын творчествоя площадкаослэн ужанзы («Кырӟан бусы»);

12:15—16:00 — Удмуртиысь но Росси улосвылъёсысь коллективъёслэн возьматонзы («Жингрес возьвыл»), нылпиослы но семьяослы шудон программа («Шудон азбар»), спортъя но шудонъёсъя вожвылъяськонъёс («Батыр шудонъёс»), муниципал кылдытэтъёслэн кивалтӥсьёссы понна веник керттонъя вожвылъяськон;

16:30 — делегациослэн кошконзы;

18:00—22:00 — егитъёслы программа («Шундэктон»).

Гербер

Тодэ вайытом, 12-тӥ инвожое 12 часын Ижысь Кызьпу арамаын кар Гербер ортчоз. 



Наверх
Вниз